“Ia kanë humbur Kosovës 210 milionë euro”, Sallahu reagon pasi s’kaloi marrëveshja për burgjet me qira për Danimarkën
Kuvendi i Kosovës ka dështuar sërish ta kalojë marrëveshjen ndërkombëtare në mes Republikës së Kosovës dhe Mbretërisë së Danimarkës, për shfrytëzimin e institucionit korrektues të Gjilanit.
Lidhur me këtë ka reaguar zëvendësministri i Drejtësisë, Blerim Sallahu, i cili tha se me votimin kundër kësaj marrëveshje, disa deputetë të opozitës ia kanë humbur Kosovës 210 milionë euro.
Sipas tij, janë dëmtuar edhe marrëdhëniet mes dy shteteve.
“Është tejet dëshpëruese dhe tepër shqetësuese moskalimi i marrëveshjes ndërkombëtare në mes Republikës së Kosovës dhe Mbretërisë së Danimarkës, për shfrytëzimin e institucionit korrektues të Gjilanit. Me votimin kundër të kësaj marrëveshje nga deputetë të caktuar të opozitës janë dëmtuar marrëdhëniet në mes Republikës së Kosovës dhe Mbretërisë së Danimarkës. Gjithashtu, me votimin kundër kësaj marrëveshje serish nga disa deputetë të opozitës, Republikës së Kosovës ia kanë humbur 210 milionë euro”, ka shkruar Sallahu.
Pro kësaj marrëveshje votuan 75 deputetë, derisa kundër ishin 13. Kundër votuan disa deputetë të LDK’së dhe PDK’së.
© SYRI.net
VIDEO/ Berisha: Ju ftoj të përbashkohemi rreth këtij flamuri dhe në një aleancë historike shqiptare, bashkë të shpëtojmë ShqipërinëVIDEO/ Berisha: Ju ftoj të përbashkohemi rreth këtij flamuri dhe në një aleancë historike shqiptare, bashkë të shpëtojmë Shqipërinë
VIDEO/ Berisha: Sot gjyqtaret guximtare kryen aktin më të madh të trimërisë; ato guxuan dhe thanë të vërtetën
Denonco
Merrni lajmet më të fundit nga SYRI.net në çdo moment dhe kudo që të jeni!
