Presidentja Vjosa Osmani dhe zëvendësdrejtoresha e Zyrës së Sekretarit të Shtetit për Çështjet Globale të Grave, Katrina Fotovat, kanë nënshkruar memorandum të mirëkuptimit për Qendrën e Ekselencës për Gratë, Paqen dhe Sigurinë në Kosovë.
Marrëveshja është nënshkruar në praninë e ambasadorit amerikan, Jeffrey Hovenier, në ditën e parë të Forumit Ndërkombëtar për Gratë, Paqen dhe Sigurinë.
Zëvendësdrejtoresha e Zyrës së Sekretarit të Shtetit për Çështjet Globale të Grave, ka deklaruar se ky memorandum është dëshmi e partneritetit jetëgjatë mes SHBA-së dhe Kosovës.
“Kosova është shembulli se çka mund të bëhet kur gratë udhëheqin shoqëritë civile, jetën politike dhe aktivizmin për të mbijetuarit e dhunës”, ka deklaruar tutje ajo.
Mes tjerash ajo ka kujtuar edhe mundin e ish-sekretares së Shtetit, Madeline Albright për çlirimin e Kosovës.
Osmani: Do të ndërtohet një qendër rajonale për gratë dhe sigurinë në Kosovë
Ndryshe, presidentja Osmani më herët kishte theksuar se Kosova ka qenë një nga katër shtetet e përzgjedhura për këtë qendër rajonale për gratë dhe sigurinë në Kosovë.
© SYRI.net
Anëtarësimi i Kosovës në KiE, cilat janë vendet skeptike që duan fillimisht asociacionin?
Haziri kritikon Qeverinë për “raport mosbesimi” me ndërkombëtarët
Smakiqi: Korrupsioni në qeverinë Kurti është dokumentuar edhe me vulë të DASH-it 
Denonco
Merrni lajmet më të fundit nga SYRI.net në çdo moment dhe kudo që të jeni!
