Ermal Kutllovci i cili është larguar nga pozita e zyrtarit të Ministrisë së Industrisë, Ndërmarrësisë dhe Tregtisë, ka reaguar ndaj deklaratës së Ministres së MINT-it, Rozeta Hajdarit.
Kjo e fundit ka thënë mbrëmë në një emision se Kutllovci kishte probleme me zv.sekretarin e përgjithshëm dhe stafin e departamentit të rezervave shtetërorë.
Ai këtë gjë e ka demantuar duke e quajtur të pavërteta.
Kutllovci në reagimin e tij ka bere të ditur se arsyeja kryesor e largimit të tij nga MINT-i ka qenë pretendimi se ky i fundit ka ofenduar menaxhmentin e lartë, përcjell IndeksOnline.
Postimi i tij i plotë:
Reagim ndaj intervistës së dhënë nga Ministrja, Rozeta Hajdari, KTV – Emisioni (60 Minuta).
Të nderuar përfaqësues të mediave,
Të dashur miq, shokë e familjarë,
Për hir të korrektësisë së opinionit publik dhe të vërtetës, reagoj publikisht ndaj intervistës së dhënë mbrëmë nga Ministrja, Rozeta Hajdari.
Sa i përket deklarimit se unë kam pas telashe me zv.Sekretarin e Përgjithshëm dhe stafin e Departamentit të Rezervës Shtetërore, kjo është e pavërtetë, saqë secili prej jush mund t’a konstatoj në e-mailin e Drejtorit të Departamentit të Rezervës Shtetërore dhe kërkesën për inicim të procedurës disiplinore të iniciuar nga zv.Sekretari i Përgjithshëm i MINT-it.
Shihni e-mailat e bashkangjitur: (Vërejtjen verbale dhe kërkesën për inicim të procedurës disiplinore).
Vërejtja verbale është anuluar pas ankimimit tim në Këshillin e Pavarur Mbikëqyrës për Shërbimin Civil të Kosovës, ku qëllimisht e njëjta vërejtje përdoret prapë si provë në procedurën disiplinore. Shihni Vendimin Nr. Protokolli 336/2024, datë: 19 Janar 2024 (KPMShCK) dhe Vendimin Nr. Protokolli 398/03, datë: 25 Janar 2024 (MINT).
zv.Sekretari i Përgjithshëm, edhe përkundër anulimit të vërejtjes verbale nga KPMShCK e lejon zhvillimin e procedurës disiplinore, pa asnjë provë relevante, madje çuditërisht e mbanë të përfshirë në kërkesë disiplinore Ministrën Hajdari për ta informuar se unë po e zbatoj urdhrin politik të dhënë në takimin e datës, 11 dhjetor 2023. Ju mund ta shihni vet se kush ishte personi i cili dha urdhër politik për largimin tim nga Ministria e Industrisë, Ndërmarrësisë dhe Tregtisë (MINT)?!
Arsyeja kryesore e cekur në vendimin për largimin tim nga MINT, ka qenë pretendimi se unë e kam ofenduar menaxhmentin e lartë në takimin e mbajtur me datën, 11 dhjetor 2023, por mbrëmë si duket Ministrja Hajdari ka bërë tërheqje taktike?!
Se a ka qenë e informuar Ministrja Hajdari lidhur me situatën e dëshmojnë shkresat e njëpasnjëshme drejtuar pikërisht asaj, gjithnjë duke u bazuar në Ligjin Nr. 06/L-114 Për Zyrtarët Publikë, Neni 25, Paragrafi 1, 2 dhe 3, Neni 26, Paragrafi 2 dhe 3.
Ja disa shkresa zyrtare drejtuar Ministrës, Rozeta Hajdari:
1. Shkresa e datës, 7 Mars 2022,
2. Shkresa e datës, 26 Korrik 2022, dhe
3. Shkresa e datës, 4 Tetor 2022.
Vlenë të theksohet qartë se procedurat për furnizim të rezervave shtetërore të mallrave janë të saktësuara sipas Nenit 19 dhe 20 të Ligjit Nr.03/L-244 për Rezerva Shtetërore të Mallrave. Pra ligji bazë e rregullon procedurën e furnizimit si procedurë të hapur dhe po i njëjti ligj nuk parasheh formë të negocimit. D.m.th, procedura e zhvilluar në vitin 2022, bie ndesh me dispozitat e ligjit bazë.
Shihni e lexoni me kujdes, Ligjin e Rezervave Shtetërore të Mallrave, Nenin 19 dhe 20.
Kurrë në jetën time nuk jam rreshtuar me të pavërtetën e kurrë në asnjë rrethanë si kam shërbyer klientelave e grupeve të interesit.
Me mua nuk kalon mashtrimi e sidomos me mua.
Sinqerisht,
Ermal KUTLLOVCI
© SYRI.net
Rama: Mbrëmë punonjës të “Pastrimi”, kanë sulmuar fizikisht punonjësit e ri të kontraktuar për mbledhje të mbeturinave
Sulm ndaj disa zyrtarëve policorë në Prishtinë
Dilema e BE-së: A do të mundet t’i përballojë financiarisht anëtarët e rinj?
Denonco
Merrni lajmet më të fundit nga SYRI.net në çdo moment dhe kudo që të jeni!
