Rusia po planifikon një konflikt të armatosur mes Serbisë dhe Kosovës

12:18, 25/03/2024

Rusia do të nisë një kryengritje të armatosur në Serbi, për të nxitur Beogradin të pushtojë Kosovën. Me rizgjedhjen e Putinit, kreu i Këshillit të Sigurimit Nikolai Patrushev është ende në krye të operacionit. Kjo është e pazakontë, pasi Putini ishte gjithmonë i përfshirë personalisht në zhvillimin dhe miratimin për këto lloj planesh veprimi.

Prania e ushtrisë serbe është shtuar në kufirin me Kosovën, gjë që konfirmon raportet për punë përgatitore për operacionin. Këto raporte sugjerojnë se Rusia mund të ketë sjellë një grup të inteligjencës ushtarake në Beograd, për t'u konsultuar dhe koordinuar me serbët. Prandaj, Rusia vepron në bashkëpunim me presidentin Vuçiq dhe Shefin e Inteligjencës Serbe Vulin. Ne besojmë se operacioni do të fillojë në rajonin e Mitrovicës, ku forca speciale serbe do të veprojë së bashku me grupet e armatosura kriminale lokale, të kontrolluara nga bandat kriminale serbe dhe ruse. Disa pjesë të operacionit tashmë janë planifikuar në vitet 2021-2023, gjatë sulmeve të mëparshme në Mitrovicë.

Kremlini është i prirë të gjenerojë një konflikt të armatosur në Europë para zgjedhjeve për Parlamentin Europian dhe fushatës presidenciale të SHBA-së. Sipas këtij skenari, Rusia do të ndërmjetësojë negociatat me Vuçiqin në këmbim të ultimatumeve për çështjen e Ukrainës. Ne presim që Kremlini të nisë një fushatë informuese, pasi tashmë ka kërcënuar me fillimin e Luftës së Tretë Botërore, për të bërë analogji mes konfliktit të ri në Ballkan dhe shpërthimit të Luftës së Parë Botërore.

Provokimi synon kryesisht të gjenerojë një konflikt që NATO nuk do të ishte në gjendje ta trajtonte siç duhet. Operacioni në Kosovë, ndërkohë, është pjesë e përgatitjes për një konflikt në Balltik, në Letoni, besojmë ne. Mitrovica është një terren testimi për një skenar të ngjashëm në Latgale (Letoni), i zhvilluar nga Moska në 2014.

Moska e sheh pezullimin e ndihmës ushtarake të SHBA-së për Ukrainën si një mundësi për të shpërbërë NATO-n, nëse lind një konfrontim i kontrolluar. Përpjekja e BE-së për të ofruar ndihmë ushtarake për Ukrainën ka ekspozuar një mungesë sistematike të armëve dhe kapaciteteve prodhuese, që ka të ngjarë të rezultojë në një krizë, nëse një tjetër konflikt shpërthen në Europë.

Rusia ka përgatitur tashmë skenën për krizën vendimmarrëse të NATO-s, pasi nisi një operacione psikologjik, duke shtrembëruar fjalët e Emmanuel Macron-it për dërgimin e mundshëm të forcave kombëtare në Ukrainë. Ne besojmë se Rusia synon të organizojë një ngjarje me humbje maksimale të KFOR-it. Kremlini kërkon me çdo kusht që Kosova të pësojë disfatë, duke e parë atë si një simbol të kombit që ka dalë nga dora e metropolit. Ky simbol duhet të hiqet, gjë që shkon në përputhje me qëllimin e Moskës për të rivendosur perandorinë brenda kufijve të saj. Konflikti Serbi-Kosovë do ta ndalojë procesin e integrimit të Beogradit në BE. Moska do të forcojë kontrollin e saj mbi Serbinë, me regjimin e Vuçiqit që do të bëhet plotësisht i varur nga Kremlini. Rusia, në frontin e brendshëm, do ta përdorë konfliktin për të fajësuar NATO-n për fillimin e tij. Kjo narrativë ka të ngjarë të synojë territoret e pushtuara nga Rusia të Ukrainës, për t'i bërë njerëzit të besojnë se Rusia i pushtoi ato për të parandaluar një skenar të ngjashëm në Ukrainë, siç pretendon propaganda e Moskës. Ne besojmë se Rusia do të përdorë presidencën e ardhshme të Putinit për t'u përballur me NATO-n dhe SHBA-në, ky është një qëllim kryesor për enturazhin e Putinit, të përkushtuar ndaj ideologjisë komuniste të një përplasjeje të vazhdueshme me Perëndimin. Këta njerëz e shohin shpërbërjen sovjetike si poshtërim dhe zhgënjim të tyre, pavarësisht përparimit të mëtejshëm në karrierë./ Marrë nga Robert Lansing Institute - Syri.net

© SYRI.net

Lexo edhe:

• Arrestohet serbi në Bërnjakë, dyshohet se ka kryer krime lufte në Gjakovë
• Mesiç: Vuçiç si Millosheviçi, 'Serbia e madhe' nuk do të ndodhë
• Njësiti “Kobra” dyshohet të jetë pjesë e trajnimeve serbe