Afrim Taraku, avokati i familjes së Artan Zymberit, shtetasit norvegjez me prejardhje nga Kosova që vdiq në një burg serb, e ka quajtur të tmerrshëm rastin e tij.
Madje Taraku ka thënë që familja e Zymberit është e zhgënjyer me shtetin e Norvegjisë.
“I kam pranuar raportet. Në 6 muajt e fundit e kam hulumtuar rastin. Mund t’ju them se rasti është i tmerrshëm”, ka thënë Taraku.
“Çështja është pak komplekse. Jam duke punuar në raportin final, me detaje të hollësishme dhe të panjohura deri më tani për opinionin. Raportin në muajin maj do t’ia dorëzoj edhe Ministrisë së Drejtësisë në Kosovë dhe do t’i koordinojmë veprimet e mëtutjeshme”.
Taraku ka deklaruar që ka material të pakontestueshëm, duke e ritheksuar që ndaj Zymberit është ushtruar dhunë fizike dhe psikike deri në fund.
“Lidhur me rastin ndihmë është dhënë edhe nga ministrja e Drejtësisë, Albulena Haxhiu. Ka shumë hollësi. Në muajin qershor familja edhe ekipi mbrojtës do të qëndrojnë në Kosovë. Kam material të pakontestueshëm. Kam punuar shtatë muaj që të arrij deri këtu. Artani ka qenë viktimë. Padyshim ka pasur dhunë e tmerr deri në çastin e fundit, dhunë fizike dhe psikike”.
“Familja është shumë e zhgënjyer me shtetin norvegjez”, ka përfunduar Taraku për Klankosova.tv.
© SYRI.net
Jo veç në Gjakovë, monumenti i Skënderbeut u vendos edhe në dy qytete të tjera evropiane
Konjufca: BE po pret me padurim të punojë me qeverinë serbe, e nuk janë të gatshëm t’i heqin masat Kosovës
LIVE/ Qytetarët tubim në mbështetje të liderit të opozitës, Sali Berisha 
Denonco
Merrni lajmet më të fundit nga SYRI.net në çdo moment dhe kudo që të jeni!
