SHBA do t'i njohë rezultatet e zgjedhjeve në veri, pavarësisht bojkotit nga Lista Serbe

08:09, 20/04/2023

I dërguari special i SHBA-së për Ballkanin Perëndimor, Gabriel Escobar, tha sot se SHBA do t'i njohë rezultatet e zgjedhjeve në katër komuna në veri. të Kosovës, edhe pse serbët do t’i bojkotojnë,

Esobar u bëri thirrje serbëve që të kthehen në institucionet e Kosovës.

Për Tanjug, i pyetur nëse zgjedhjet lokale në veri të Kosovës do të jenë legjitime nëse serbët i bojkotojnë ato, Esobar u shpreh se fakti që disa parti politike bojkotojnë zgjedhjet nuk përcakton rezultatet e zgjedhjeve.

“I kam bërë apel serbëve që të marrin pjesë në zgjedhje. Ne kuptojmë shumë gjëra që ata i shohin si problematike, por sigurisht që duhet të marrin pjesë. Nëse ata nuk do të merrnin pjesë, kjo nuk do të thotë se ne nuk i mbështesim zgjedhjet. Qeveria e Kosovës ka obligim kushtetues. Do të ketë zgjedhje dhe ne do t’i njohim rezultatet dhe shpresojmë që serbët të kthehen në një moment”, theksoi ai.

© SYRI.net

Lexo edhe:

• Ramiz Qeriqi pohon se kishte polici ushtarake në batalionin e tij
• Sandulloviq falënderon Osmanin për ngritjen e çështjes së tij në OKB
• Prokuroria Speciale pranon donacion nga Ambasada Britanike për intervistimin e të pandehurve dhe dëshmitarëve