Fehlinger me thirrje Ukrainës, Qipros, Greqisë, Rumanisë dhe Serbisë që ta njohin Kosovën

20:11, 20/02/2023

Ditëlindja e 15-të e Republikës së Kosovës është festuar sot, në Vjenë të Austrisë.

Nga kjo festë, kryetari i Këshillit Atlantik të Austrisë, Gunther Fehlinger e ka zgjedhur një mënyrë që vendet që nuk e njohin Kosovën si shtet, ta bëjnë një gjë të tillë.

Fehlinger e ka zgjedhur rrjetin social Twitter që ta bëjë një gjë të tillë, duke u bërë thirrje Qipros, Rumanisë, Greqisë, Ukrainës dhe Serbisë që ta njohin Kosovën si shtet, por me diçka në këmbim.

“Duke festuar ditëlindjen e 15-të të Republikës së Kosovës sot, në Vjenë në zemër të Austrisë Neutrale, bëj thirrje për anëtarësim në NATO, Kosovën, Austrinë dhe Ukrainën”.

“Unë i bëj thirrje Qipros ta njohë Kosovën dhe ju do të hyni së bashku në NATO. 15 vjet, koha për ta bërë këtë!”, ka shkruar Fehlinger në Twitter.

“Rumania ta njohë Kosovën dhe Austria do t’i japë fund Vetos kundër anëtarësimit tuaj në Shengen”.

Ai madje i thotë ministrit të Punëve të Jashtme greke Nikos Dendias, që pavarësia e Kosovës është fakt, pse të qëndrohet në anën serbe dhe ruse.

“I bëj thirrje Greqisë ta njohë Kosovën tani dhe të jetë një aleat më i mirë për NATO-n”.

© SYRI.net

Lexo edhe:

• Jo veç në Gjakovë, monumenti i Skënderbeut u vendos edhe në dy qytete të tjera evropiane
• Konjufca: BE po pret me padurim të punojë me qeverinë serbe, e nuk janë të gatshëm t’i heqin masat Kosovës
• LIVE/ Qytetarët tubim në mbështetje të liderit të opozitës, Sali Berisha