Kryeministri i Kosovës, Albin Kurti i ka hapur letrat sot në Kuvend, duke treguar se në vizitën e fundit të diplomatëve europianë e amerikanë në zyrën e tij më 20 janar, ata i kanë thënë se propozimi i dytë, ai “përfundimtar”, është gati “merre ose leje”, përcjell Syri.net Kosova.
“Ata ma bënë të qartë që propozimi kryesor këtë herë është fare pranë formatit merre ose leje. Nuk do të lejohet praktikisht hapja apo negocimi i tij”, tha Kurti.
E ndaj kësaj deklarate të Kurtit, ka reaguar profesori, Muhamet Hamiti i cili tha se Albin Kurti e solli punën që emisarët evropianë t’i thonë “mere ose lëre”.
Hamiti u shpreh se presionin ndërkombëtar e kuptoi Kurti, më në fund, an ipse sipas tij ai i kupton gjërat me vonesë, si gjithëherë
“Në të njëjtën kohë, në paraqitje në Kuvend, Kurti i atribuoi Qeverisë së vet merita për avancim të dialogut Kosovë – Serbi. Domethënë është bërë më mirë, sipas kryeministrit Kurti, ndonëse korniza e dialogut, më saktë produkti i tij, propozimi franko-gjerman, me sa duket nuk e ka njohjen as në qendër as në periferi, të cilën ai po e maskon me gjoja njohjen de facto të Kosovës nga Serbia. Po ashtu e pranoi edhe zbatimin e të gjitha marrëveshjeve, duke përfshirë për Asociacionin, që e kundërshtonte si Zajednicë, por po e pranon (‘me kushte’) si Asociacion. Presionin ndërkombëtar e kuptoi Kurti, më në fund. I kupton gjërat me vonesë, si gjithëherë”, ka shkruar ai.
© SYRI.net
Qeveria gjermane voton pro zgjatjes së mandatit të ushtarëve në Kosovë
Konjufca e quan të paqëllimshëm përplasjen e Presidentes me Qeverinë
Kushtetuesja sqarohet rreth procesit të anëtarësimit në Konferencën e Gjykatave Kushtetuese Evropiane
Denonco
Merrni lajmet më të fundit nga SYRI.net në çdo moment dhe kudo që të jeni!
