Ministrja e Drejtësisë, Albulena Haxhiu, ka shkruar në Facebook në lidhje me miratimin e Byrosë për Verifikimin dhe Konfiskimin e Pasurisë së Pajustifikueshme, përcjell Syri.net Kosova
Ajo ka falënderuar deputetët që e votuan në lexim të dytë këtë projektligj, duke u shprehur se kjo byro do të jetë garanci për drejtësi, sidomos në luftën kundër korrupsionit.
Shkrimi i ministres Haxhiu:
Falendëroj deputetët e Kuvendit të Republikës së Kosovës që e miratuan në lexim të dytë Byronë Shtetërore për Verifikimin dhe Konfiskimin e Pasurisë së Pajustifikueshme.
Opinionet e Komisionit të Venecias janë garanci e ligjshmërisë dhe kushtetutshmërisë së Byrosë. Ndërkaq vet ky institucion është garanci e vendosjes së drejtësisë për luftimin e intensifikuar të korrupsionit zyrtar duke i konfiskuar të mirat e përfituara paligjshëm nga të gjithë keqpërdoruesit e fondeve dhe pasurisë publike.
I falënderoj të gjithë akterët e përfshirë në përgatitjen e këtij Projektligji që shënon përmbushjen e një zotimi shtyllë të Qeverisë Kurti.
© SYRI.net