Një rrahje brutale ka ndodhur në orët e para të ditës së sotme në fshatin Lajthishtë të Obiliqit, ku shitësi i një dyqani ushqimor është sulmuar për motive ende të panjohura nga dy persona. Rasti ka ndodhur te lokali i tij, ku të dyshuarit e goditën me mjet të fortë, duke i shkaktuar lëndime të rënda, raporton gazet Sinjali.
Burime nga Emergjenca kanë bërë me dije për Sinjalin se personi që u dërguar në këtë qendër për trajtim mjekësor është një 41-vjeçar, i cili ka pësuar plagë serioze si pasojë e sulmit. Viktima fillimisht ishte trajtuar në Qendrën e Mjekësisë Familjare të qytetit, e më pas është dërguar në QKUK.
Posa Policia është njoftuat për rastin ka dalë në vendin e ngjarjes, për të mbledhur më shumë informacione, me ç’rast u kuptua se dy persona ia kanë zënë pritën viktimës te lokali i tij, duke e sulmuar dhe më pas kanë ikur në një drejtim të panjohura.
41-vjeçari ka rrëfyer para zyrtarëve policorë se nuk ka ndonjë dyshim për motivin dhe personat që e kanë rrahur pasi nuk ka ndonjë problem të mëhershëm.
Pas marrjes së deklaratës nga i njëjti, edhe Prokurori i Shtetit është vënë në dijeni për ngjarjen dhe ka dhënë urdhër që të iniciohet rasti si “Lëndim i rëndë trupor” dhe të nisin hetimet për identifikimin dhe kapjen e personave të dyshuar.
© SYRI.net