E konfirmuar: Ministria e Financave s’do t’i japë pagë kujtdo që proteston, qoftë për 1 orë

13:17, 25/08/2022

Ministria e Financave, Punës dhe Transfereve ka bërë të ditur se në rast se do të ketë greva në sektorin publik, atëherë çdo grevisti do t’i ndalet paga çoftë edhe për një orë grevë.

Këtë e ka konfirmuar sekretari i përgjithshëm i Ministrisë së Financave, Enis Spahiu, i cili tha se kjo po bëhet duke respektuar nenin 18, pikën 1.

“Kemi garantuar të drejtën e grevës por që kemi njoftuar që duhet zbatuar edhe dispozita ligjore që kërkon pezullimin e kontratës së punës. Neni 18, paragrafi 1 është i qartë. Neni 18, pika 1: Gjatë zhvillimit të grevës pezullohen detyrimet që rrjedhin nga Kontrata e Punës, duke përfshirë të drejtën në pagesë dhe detyrimin e bindjes për të punuar”, thuhet në përgjigjen e Spahiut.

Në lidhje me këtë, kryetari i SBASHK-ut, Rrahman Jashari, ka thënë se situata mund të përkeqësohet nëse veprohet në këtë mënyrë.

Kurse njohësi i çështjeve juridike, Ehat Miftaraj tha se çdo iniciativë për pezullimin e pagave të grevistëve nga ana e shtetit është e jashtëligjshme.

“Pezullimi i pagave nga ana e shtetit ndaj punëtoreve që hyjnë në grevë të ligjshme, është cenim i rëndë i të drejtave të punëtorëve, e paparë në një shtet demokratik, ose nga një parti politike qe ka promovuar shtet social. E papranueshme. Kjo nuk kalon. Masa të menjëhershme ndaj kujdo që  ka filluar një iniciativë të tillë.“ tha Miftaraj

Në media po qarkullon një dokument që iu referohet nenit 18 pika 1 të Lighit për Grevat, i cili thotë se pezullohen detyrimet e punetorit per te permbushur obligimet qe dalin nga kontrata e punes.

Megjithatë Miftaraj sqaron se ky nën në asnjë rrethanë nuk nënkupton se pezullohen obligimet e shtetit, apo punëdhenësit në sektorin privat të pezullojë të drejtat e punëtorit në pagë dhe beneficione tjera që rrjedhin nga kontrata e punës, gjatë kohës se grevës se ligjshme.

Greva e punëtorëve të sektorit publik ka filluar sot.

© SYRI.net

Lexo edhe:

• Vetëvendosje lajmëron tubim sonte pasdite, mbahet në sallën 1 Tetori
• Kurti shkon për vizitë te Muzeu i Masakrës në Krushë të Madhe
• “Skënderbeu më i madh se kali”, profesori i Artit flet për “defektet” e përmendores në Prishtinë