Gjykata Themelore e Prishtinës ka caktuar masën e paraburgimit prej një muaji për dy të dyshuarit M.K dhe A.B për mashtrim me bileta aeroplani, nga kompania “Prishtina Jet”.
Dyshohet se ata përmes kompanisë së tyre u kanë shitur bashkatdhetarëve bileta fiktive për udhëtim me aeroplan me një çmim shumë më të lirë se sa çmimi aktual, e të cilat fluturime nuk janë realizuar edhe përkundër pagesave që janë bërë, përcjell Klankosova.tv.
“Gjyqtarja e procedurës paraprake kërkesën e prokurorisë për caktimin e masës së paraburgimit kundër të pandehurve M.K dhe A.B e ka aprovuar si të bazuar dhe të njëjtëve iu ka caktuar masën e paraburgimit në kohëzgjatje prej 1 (një) muaji për secilin veç e veç”, thuhet në njoftimin e prokurorisë.
Tutje, përmes këtij njoftimi bëhet e ditur se kundër këtij aktvendimi palët kanë të drejtë ankese në Gjykatën e Apelit, përmes Gjykatës Themelore në Prishtinë.
Ndryshe, pak minuta më herët, policia bëri thirrje që të paraqiten të gjithë bashkëatdhetarët që janë mashtruar me bileta aeroplani të lëshuara nga kjo kompani.
© SYRI.net
Sot nis Samiti Rajonal i liderëve të Ballkanit Perëndimor, merr pjesë edhe Kurti
Muharremi: Kur e pashë fotografinë u binda se zgjedhjet janë afër, Vjosa duhet të kthehet në LDK
Aksidenti me pasojë vdekjen në ‘Milot-Morinë’, vihet në pranga drejtuesi 27-vjeçar i mjetit
Denonco
Merrni lajmet më të fundit nga SYRI.net në çdo moment dhe kudo që të jeni!
