Pas emërimit të kryenegociatores së re Majlinda Dhuka, kryeministri Edi Rama takoi ekipin e negociatorëve shqiptarë që do të punojnë për procesin e negociatave.
Kreu i qeverisë kërkoi nga negociatorët angazhimin maksimal në kryerjen e misionit të tyre.
Por kryeministri nuk i ka dhënë akoma një përgjigje konkrete faktit se përse e shkarkoi Zef Mazin pa nisur mirë negociatat.
“Vendosja e kryenegocitores së re nënvizon ndryshimin e natyrës së marrëdhënieve mes nesh dhe BE-së përmes kryenegociatorit si urë. Ambasadori Mazi bëri një punë shumë të lavdërueshme diplomatike, një krah shumë i rëndësishëm për mua dhe ministren deri në momentin që u hapen negociatat. Natyra teknike e procesit kërkon një profil shumë teknik," tha ai.
Ndërkohë, Rama gjeti kohë që t’i përgjigjej një batutë të gazetarit Lutfi Dervishi, i cili kishte shkruar se Google ka shpallur në kërkim kryenegociatoren e re.
Duket se Ramës i ka djegur ironia që ka vendosur në krye të negociatave një njeri të panjohur.
“Ka shumë njerëz në administratën tonë që nuk i gjen në Google, por pa të cilët administrata nuk do funksiononte dot. Ka njerëz që janë në zyra që në fillim të viteve 1990. I kanë shërbyer shtetit me modesti. Sikur çdo gjë të kishte mbetur në dorën e atyre që hyjnë e dalin si në mallin e babait, do kishim një situatë si pas tërmetit”, tha Rama.
© SYRI.net
Vetëplagoset një person në Viti, policia jep detaje
Nesër përurohet shtatorja e Tony Blair-it në Ferizaj
VIDEO/ Berisha: Ju ftoj të përbashkohemi rreth këtij flamuri dhe në një aleancë historike shqiptare, bashkë të shpëtojmë Shqipërinë
Denonco
Merrni lajmet më të fundit nga SYRI.net në çdo moment dhe kudo që të jeni!
