Kurti: Ish-Burgu i Prishtinës nga sot është aset i mbrojtur i trashëgimisë kulturore

20:06, 12/07/2022

Sot është hapur Muze Burgu i Prishtinës, brenda tij është shfaqur ekspozita e parë e quajtur “Burgu i Idealit”.

Kryeministri Albin Kurti ka thënë se ndërtesën që e kanë shndërruar në muze do ta restaurojnë dhe konservojnë tërësisht për ekspozitën e përhershme.

“Brenda 17 qelive të ish-Burgut të Prishtinës rrojnë histori të shumta të dhunës së regjimit serb mbi patriotët shqiptar, që nga ndërtimi i tij në vitet e 50-ta, e deri në vitin 1999. Kujtime e dëshmi të përndjekjes, maltretimit dhe shtypjes së idesë e idealit për liri”.

“‘Burgu i Idealit’. Kështu titullohet ekspozita që u hap sot, e që mëton të tregoj realitetin e shumë të burgosurve dhe burgjeve, jo vetëm në Prishtinë. E punuar në bashkëpunim të ngushtë me Shoqatën e të Burgosurve Politikë, kjo ekspozitë është faza e parë e hapjes së burgut”.

“Nga sot, kjo ndërtesë është aset i mbrojtur i trashëgimisë kulturore. Si kujtesë e idealit dhe qendresës, e si përkujtim për torturat e terrorin e përjetuar nga shumë të burgosur. Ky burg që sot hapi dyert, do të ruajë e dokumentojë historinë tonë të vështirë, në përkujdesje që të mos përsëritet më kurrë”,ka thënë Kurti me anë të një postimi në rrjet.

© SYRI.net

Lexo edhe:

• Jo veç në Gjakovë, monumenti i Skënderbeut u vendos edhe në dy qytete të tjera evropiane
• Konjufca: BE po pret me padurim të punojë me qeverinë serbe, e nuk janë të gatshëm t’i heqin masat Kosovës
• LIVE/ Qytetarët tubim në mbështetje të liderit të opozitës, Sali Berisha