Një përleshje fizike ka ndodhur në Çikatovë të Drenasit për shkak të kontesteve pronësore.
Sipas banorëve, rasti ka ndodhur në lagjen “Morina” ku drejtori i Ferronikelit ka filluar me kazmë të punojë në tokat e tyre.
Banori Valon Morina thotë se drejtori i Ferronikelit ka tentuar të uzurpojë pronat e tyre pa kurrfarë kompensimi.
“Ata po thonë se është pronë e tyre, derisa ne kemi dokumentet që pronat janë tona dhe i kanë pasur stërgjyshërit…Drejtori i ka sulmuar me kazmë qytetarët. Njëri prej tyre është marrë me ambulancë, derisa 10 qytetarë janë shoqëruar në polici”, tregon për RTV Dukagjinin Morina.
Ai thotë se lënda për këto prona është në gjykatë dhe sipas tij menaxhmenti do të ishte mirë të mos vijë këtu derisa të merret vendimi.
Banori thotë se pas përleshjeve kanë ndërhyrë policia speciale, derisa sipas tij në vendin e ngjarjes ende është një patrullë policore për të ruajtur qetësinë.
Policia e Kosovë, Komuna e Drenasit dhe nga kompania Ferronikeli ende nuk kanë prononcuar për këto incidente.
© SYRI.net
Zgjedhet Qeveria e re e Serbisë, Vuçeviq: Serbia nuk do të heqë dorë nga Rusia
Qeveria e Kosovës i kundërpërgjigjet zëdhënësit të BE: Hiqni masat
Haxhiu: Korrupsioni ka emër, Abin Kurti
Denonco
Merrni lajmet më të fundit nga SYRI.net në çdo moment dhe kudo që të jeni!
