Një konflikt i ashpër shpeshherë zhvillohet në mes të Sekretarëve e ministrave në Qeverinë e Kosovës. Por kështu s’ka ndodhë me ministren Rozeta Hajdari. Periskopi merr vesh se Ministria ka favorizuar Sekretarin Irfan Lipovica, duke i ndarë para – më saktësisht 12 mijë euro për shkollim të nivelit master. Paratë, janë marrë nga projekti CERP, për të cilin shteti ka hyrë kredi – në mënyrë që t’i përkrahte bizneset prodhuese…
Irfan Lipovica, zëvendësues i Sekretarit të Përgjithshëm në Ministrinë e Industrisë, Ndërmarrësisë dhe Tregtisë, është favorizuar nga ministrja Rozeta Hajdari.
Atij i është aprovuar një shumë e parave të Ministrisë për t’ia paguar shkollimin master në RIT Kosova (AUK). Ky institucioni i arsimit të lartë në Kosovë është i vetmi që lëshon diploma amerikane.
Burime të besueshme të Periskopit, kanë bërë të ditur se paratë e ndara për shkollimin e Sekretarit, nuk janë të ndonjë fondi për ngritjen e kuadrove profesionale të ministrisë, por të projekti CERP – për të cilin projekt Qeveria ka marrë kredi për të përkrahur bizneset prodhuese.
“Sekretarit i është aprovuar nga ministrja Rozeta Hajdari një trajnim në fund të vitit të kaluar, mirëpo ky trajnim ka rezultuar se ishte shkollimi Master në RIK-AUK dhe për të cilin shkollim është bërë kontrata nga MINT me fakultetin RIT-AUK në vlerë 12.000 euro dhe këto mjete janë paguar nga projekti CERP për të cilin projekt Qeveria ka marr kredi për të përkrahur bizneset prodhuese. Kësti i parë i pagesës në vlerë prej 4000 euro është paguar nga projekti për shkollimin master”, ka bërë të ditur për Periskopi burimi i mirinformuar nga Ministria.
Lidhur më këtë çështje Periskopi i ka dërguar pyetje ministres Hajdari para disa ditëve, por s’kemi një përgjigje deri në momentin kur po e publikojmë këtë lajm.
Periskopi pyeti edhe bashkë-protagonistin tjetër të temës tonë, zotin Irfan Lipovica.
Ai na tha shkurt se ‘nuk është bash qashtu’, e më pas na sugjeroi t’i nisnim pyetje në e-mail.
“Nuk është bash qashtu, sikur po thoni, por m’i dërgoni pyetjet në e-mail dhe u përgjigjem”, ka thënë Lipovica.
Meqë sipas Lipovicës, puna nuk ishte ‘bash qashtu’, Periskopi i nisi pyetje në e-mail, për të parë pra se si ishte puna nëse jo ‘bash qashtu’. Por, nuk morëm përgjigje.
Zyrtarët e lartë publik janë të detyruar që të bëjnë deklarimin e pasurisë në Agjencinë Kundër Korrupsionit -AKK.
Nga pozita e sekretarit, Lipovica për herë të fundit e ka deklaruar pasurinë më 23.03.2021.
Tek rubrika “detyrimet financiare ndaj personave juridik dhe fizik”, pati shkruar se ka detyrime në vlerë prej 12 mijë eurove ndaj RIT Kosova.
Qëllimi i detyrimit është shënuar që janë studimet me kohëzgjatje deri në fund të vitit 2021. Ky detyrim nuk ekziston në formularin e vitit 2020.
Me të ardhur në krye të MTI-së në vitin 2011, Mimoza Kusari -Lila e kishte emëruar, Irfan Lipovicën si Drejtorit të Departamentit të Turizmit.
Këtë pozitë e ka mbajtur prej 2011-tës deri në vitin 2020.
Postin e ministres së Tregtisë dhe Industrisë, Rozeta Hajdari e kishe marrë në vitin 2020 në Qeverinë Kuri -I dhe Lipovicen e kishte emëruara menjëherë U.D të Sekretarit.
Tash pozita e tij quhet: Zëvendësues i Sekretarit të Përgjithshëm.
Implementimi i Projekti CERP, nga i cili i janë paguar studimet Sekretarit, ka nisur në dhjetor të vitit 2018, për të cilin ishte thënë se ka një afat kohorë prej 5 viteve. Pra deri në dhjetor 2023.
Para pak ditësh është raportuar se, Nermin Pakashtica, motra e gruas së Taulant Kurtit, vëllaut të kryeministrit Albin Kurti, është zgjedhur fituese e një konkursi të Ministrisë së Industrisë, Ndërmarrësisë e Tregtisë, të financuar nga Banka Botërore. Pra, bëhet fjalë për një projekt të financuar nga fondet e projektit CERP
MINT është përgjegjëse për Implementimin e Projektit të Konkurueshmerisë dhe Gatishmërisë për Eksport (CERP), 14,3 milionë euro, i financuar me hua – kredi të butë nga Banka Botërore. Qëllimi i projektit CERP është të mbështesë certifikimin e produkteve për tregjet e eksportit, të forcojë kapacitetin e Bizneseve të orientuara kah eksporti, dhe të përmirësojë Konkurrueshmërinë e tyre. Më pas, projekti është ristrukturuar për t’iu përgjigjur nevojave në ndryshim të NMVM-ve si rezultat i situatës së krijuar me COVID-19.
Projekti CERP përbehet nga dy komponente: Nën komponenti 1.1: Mbështetja e Ndërmarrjeve Mikro, të Vogla dhe të Mesme (NMVM) për të përmirësuar Konkurrueshmërin dhe gatishmërinë për eksport (10,4 milionë euro) nëpër mes Programit të Granteve të Përputhshme (PGP).
Nën komponenti 1.2: Reformimi i sistemit të inspektimeve të bizneseve.
© SYRI.net
Kosovari vrau pronarin e një restoranti në Gjermani, pamje nga vendi i ngjarjes
Gruda i PDK-së i reagon ministres Haxhiu: Padia për gjenocid ndaj Serbisë nuk bëhet në KiE
Duda Balje e thotë sërish se nuk do të mbështesë ligjin që lejon martesat brenda gjinisë së njëjtë
Denonco
Merrni lajmet më të fundit nga SYRI.net në çdo moment dhe kudo që të jeni!
