Një nxënës mysliman mbeti i ‘terrorizuar’ pasi një mësues në një shkollë të mesme në perëndim të Londrës, dyshohet se e kapi atë dhe e detyroi të ndalonte së faluri.
Dhoma e lutjeve në Ark Soane Academy në Acton u mbyll kështu që Thaher Taraëneh kërkoi një kënd alternativ të qetë, por thuhet se iu tha se “nuk është një shkollë fetare”.
Në vend të kësaj, 12-vjeçari dhe disa nga shokët e tij të klasës vendosën të faleshin jashtë, në përputhje me fenë e tyre. Ndërsa disa nxënës të tjerë u larguan nga këndi, ai pretendon se një anëtar i stafit në mënyrë agresive i tha ‘të ndalojë menjëherë’, ‘e kapi me dorë’ dhe i tërhoqi xhaketën e tij, të cilën ai po e përdorte si ‘dyshek’ lutjeje, transmeton Klankosova.tv.
Ai u dërgua në shtëpi dhe thotë se u detyrua të firmoste një deklaratë, e cila nuk pasqyronte të vërtetën, me stafin e shkollës që ndryshonte fjalët si “kap” në “udhëzues”.
Babai i tij Muhammed Taraëneh tha për MyLondon: “Ne u thirrëm nga mësuesja në fjalë më vonë atë ditë dhe ajo shpjegoi se ishte myslimane dhe se Thaher nuk duhet të falej atje. Ne përpiqemi t’i edukojmë fëmijët tanë që të kenë besime të caktuara dhe nuk duhet të jetë në dorën e asnjë anëtari të stafit që të përpiqet t’i sfidojë ata. Unë e kuptoj që fëmijët e tjerë ikën sepse ishin të tmerruar nga bërtitja e këtij anëtari të stafit. Thaheri di të mos e ndërpresë namazin e tij nëse nuk ka diçka urgjente. Pra, që ky anëtar i stafit ta ndërpresë atë dhe më pas të vazhdojë të trajtojë djalin tim, nuk është e pranueshme”.
Familja tani po mendon ta largojë djalin e tyre nga shkolla sepse nuk mund të besojnë se ai “po diskriminohet për shkak të fesë së tij”.
© SYRI.net
Abdixhiku, “Luli” i Ramës në Prishtinë!
Prokuroria Speciale ngrit aktakuzë kundër tetë zyrtarëve shtetërorë
Blair nga Kuvendi: Ne i dhamë fund një makthi, tash le të punojmë për të ardhmen e popullit të Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
