Kryeministri i Kosovës, Albin Kurti ka thënë sot se Kosova nuk frikësohet në procesin e dialogut.
Këto komente ai i bëri duke iu përgjigjur deklaratës së emisarit të BE-së, Miroslav Lajçak rreth çështjes së Asoaciacionit.
“Kosova nuk frikësohet por Kosova me qeverinë e përgjegjshme është e kujdesshme.Ne kemi dhënë propozimet tona në takimet që kemi pasur në Bruksel dhe jemi konstruktiv për bisedimet e ardhshme në dialogun që zhvillohet i ndërmjetësuar nga Bashkimi Evropian, me ç’rast parimi i reciprocitetit është parim i shëndoshë i marrëdhënieve të mira fqinjësore”, tha Kurti gjatë vizitës në Agjencinë e Shërbimeve të Navigacionit Ajror.
Ai ka theksuar se nuk janë biseduar modelet rreth Asociacionit, duke shtuar se “të drejtat e pakicave në Kosovë janë të respektuara me nivelin më të lartë të standardeve evropiane”.
Sipas Kurtit, interes parësor i Kosovës është mbrojtja e integritetit dhe funksionalitetit shtetëror.
Ndryshe, Lajçak në një konferencë për media tha se Kosova nuk duhet të frikësohet në dialog dhe se duhet të gjinden modalitetet për zbatimin e Asociacionit.
© SYRI.net
Ndërmjetës nga vendi ku nisi shpërbërja e Jugosllavisë, Pahor rrugës për të qenë pasardhësi i Lajçakut
Ymeri: Mospranimi i Kosovës në KiE është dështim i qeverisë
Konjufca reagon për takimin Taravari-Mickoski: S’jam i informuar, por Siljanovska e VMRO-s ka koncepte antishqiptare
Denonco
Merrni lajmet më të fundit nga SYRI.net në çdo moment dhe kudo që të jeni!
