Policia në Mitrovicë ka arrestuar një grua e cila kishte mashtruar pesë tjera, duke iu premtuar se do t’ua rregullonte vizat e Suedisë.
Rasti ka ndodhur në rrugën “Pajazit Boletini”, pasditen e së hënës, ka njoftuar policia në raportin 24 orësh.
E dyshuara ka marrë nga pesë ankueset shumën prej 7 mijë e 500 euro, nën premtimin se do t’ua rregullojë vizat e punës për të shkuar në Suedi.
E dyshuara me vendim të prokurorit është dërguar në mbajtje, ndërkaq ndaj saj është iniciuar vepra penale “Mashtrim”.
“Rr. Pajazit Boletini, Mitrovicë, 08.11.2021-16:16. Është arrestuar e dyshuara femër kosovare pasi e njëjta me premtimin se do t’iu rregullonte viza pune, për në shtetin e Suedisë, kishte marr nga pesë ( 5) ankueset femra kosovare një shumë prej 7500 €. Me vendim të prokurorit, e dyshuara pas intervistimit është dërguar në mbajtje”, ka njoftuar policia.
© SYRI.net
Lansimi i programit për energjinë, Hovenier: Jemi në një pikë lëvizëse për të arritur planin tonë
Rasti 'Qyno', OKB rrëzon për herë të dytë SPAK-un, refuzon kërkesën e Dumanit për heqjen e masës së pezullimit për aksesimin e materialeve
Murati flet për 90 milionë eurot që Gjermania i zotoi për Kosovën 
Denonco
Merrni lajmet më të fundit nga SYRI.net në çdo moment dhe kudo që të jeni!
