Familja ribashkohet pas tre vjetësh me qenin e humbur

12:36, 12/08/2023

Një qen që u zhduk nga shtëpia e pronarëve në Arkansas të ShBA-së u ribashkua me familjen e tij tre vjet më vonë falë një mikroçipi.

Rex dhe Britnee Smith thanë se dy pitbullët e tyre, Jack dhe Jill, u zhdukën nga oborri i tyre në korrik 2020.

Familja kontrolloi zonën, vendosi fletushka dhe postoi në rrjetet sociale, por nuk kishte asnjë të dhënë për qentë e humbur.

Familja përfundimisht u zhvendos 500 kilometra larg në Teksas dhe nuk prisnin kurrë t’i shihnin më kafshët e tyre shtëpiake.

Çifti tha se u tronditën në korrik kur morën një telefonatë nga Little Rock Animal Village me një lajm të papritur: Jill ishte gjetur.

Ata thanë se Jill u kap si një endacak dhe u skanua për mikroçip, i cili u dha atyre numrin e telefonit të Rex Smith.

“Ishte sikur të mos na kishte lënë kurrë”, tha Britnee Smith për USA Today. Qeni erdhi menjëherë në krahët tanë”.

Familja tha se ata po rinovojnë kërkimin e tyre për Jack-un me shpresën se ai mund të jetë në të njëjtën lagje ku Jill u kap.

Komentet