Pas 11 vjetësh Zuckerberg bëri një postim në Twitter “për t’u tallur me Muskun”

14:15, 06/07/2023

Meta ka lansuar të enjten aplikacionin e saj të bazuar në tekst, Threads, me të cilin synon të konkurrojë me platformën Twitter.

Shefi i Meta-s, Mark Zuckeberg i cili nuk ka bërë asnjë postim të vetëm në Twitter që nga viti 2012, hyri sot në rrjetin social për të bërë një postim epik.

Ai publikoi një imazh viral të super-heroit të Marvel Comics, Spider-Man (një imazh i cili është shpërndarë me të madhe në kuadër të meme-ve në rrjetet sociale).

Ndoshta, postimi ka të bëjë me ngjashmërinë që ka aplikacioni Threads me platformën Twitter, dhe në një formë për t’u tallur me pronarin e Twitter-it, Elon Musk.

Platforma e Meta-s është gjithashtu e bazuar në tekst, dhe mund të lejojë përdoruesit të bëjnë postime deri në 500 karaktere.

Threads gjithashtu ka edhe dizajn të ngjashëm me Twitterin.

Postimin e Zuckerberg e kishte ndarë në llogarinë e tij edhe gazetari Matt Navarra një nga ekspertët më të njohur të industrisë së mediave sociale në botë.

© SYRI.net

Lexo edhe:

• Nga pasarelat e modës në stilin e rrugës, trendi elegant i këpucëve të sheshta
• Horoskopi ditor për nesër, e premte 17 maj 2024
• 3 shenjat e horoskopit që janë plot me vetbesim