6 punët e së ardhmes, që tani mund t’ju tingëllojnë si imagjinatë

23:17, 26/08/2021

Ndikimi i teknologjive dixhitale dhe hapësinore në jetën tonë është i madh që tani, por mendoni pak si do të vazhdojë kjo në disa dekada.

Ja disa nga punët më të çmendura të së ardhmes që mund të mos duken aq reale tani:

6. Arkitekti i plehrave

Një ditë do të ketë aq shumë plehra në Tokë sa do të na duhet të gjejmë një mënyrë të re për t’u marrë me to. Ka koncepte për qytetet lundruese të ndërtuara nga algat dhe mbeturinat, ku mund të jetojnë deri në 20,000 njerëz. Ose ky – një pavion i ndërtuar me gota plastike. Është një shembull i mirë i asaj që do të bëjnë arkitektët e plehrave.

5. Guidë turistike hapësinore

Pavarësisht nëse bëhet fjalë për një udhëtim 30-minutësh mbi Tokë ose një projekt kolonizimi 2-vjeçar të Marsit, do t’ju duhet dikush që t’ju tregojë dhe t’ju ndihmojë të gjeni vendet më të mira për selfie ose Wi-Fi falas. Një guidë turistike në hapësirë do t’ju shesë një pjesë të vërtetë të Hënës si një magnet zbukurues për frigoriferin.

4. Menaxher dixhital i vdekjes

Nëse mendoni se kjo nuk ka kuptim, atëherë prisni edhe 20-30 vjet. Njerëzit do të kalojnë aq shumë kohë në internet sa do të kenë nevojë për dikë që të kujdeset për të gjitha mediat e tyre sociale, bankat dhe llogaritë mjekësore. A duhet të fshihet një llogari në Facebook pasi një person vdes? Po fotot në telefon, duhet të fshihen apo t’i jepen personit më të afërt? Po fjalëkalimet? Të gjitha këto pyetje mund të diskutohen me një menaxher privat të vdekjes dixhitale.

3. Minatorë asteroidësh

Hulumtimet tregojnë se asteroidet përmbajnë depozita të mëdha të platinit, rodiumit dhe palladiumit të vlefshëm, duke i bërë minierat e asteroidëve një biznes potencialisht super-fitimprurës. Kush e di? Ndoshta një ditë fëmija juaj do të bëhet punëtor turni në një minierë hapësinore.

2. Mësues kurioziteti

Nëse ndonjëherë e keni gjetur veten duke lundruar në internet pa ndonjë qëllim specifik në mendje, atëherë mësoni se çfarë janë mësuesit e kuriozitetit. Ata janë këshilltarë personalë në sigurimin e frymëzimit dhe ndezjen e kuriozitetit. Ata gjithashtu do t’ju mësojnë se si të eksploroni ide dhe tema të reja në mënyrën më të dobishme për një individ.

1. Fermer urban

Popullsia në rritje gradualisht do të banojë në tokat bujqësore, duke çuar në domosdoshmërinë e gjetjes së llojeve të reja të bujqësisë. Bujqësia në çati, mbjellja vertikale, çdo pjesë e sipërfaqes mund të përdoret. Por bimët ende duhet të kujdesen nga dikush, dhe këtu hyjnë fermerët urbanë. Mund të flasim edhe për barinjtë urbanë. Po, e dëgjuat mirë.

© SYRI.net

Lexo edhe:

• Arkeologët zbulojnë 'anomali' misterioze nëntokësore pranë piramidave të Gizës
• Dielli lëshon flakërimin më të fuqishëm diellor të këtij cikli nga njolla 'monstër'
• E padëgjuar! 4 dele regjistrohen në shkollë për të shmangur mbylljen e klasës