Një punonjës i cirkut u kafshua për vdekje nga një ari që performonte në lojëra ndërsa njeriu fatkeq po stërvitej për t'u bërë një trajner i kafshëve, shkruan Daily Mail.
Valentin Bulich, 28 vjeç, ëndërronte të bëhej zbutës i kafshëve të egra dhe punonte me këlyshët para vdekjes së tij, tha nëna e tij Elena (52).
Bulich fshehurazi mori çelësat e kafazit të ariut në njërin nga cirkët më të famshëm të Rusisë, ndërsa të gjithë interpretuesit kishin një ditë pushimi.
I bindur se do të ‘gjente gjuhën e përbashkët me ariun’, ai hyri në kafaz dhe u mbyll brenda me kafshën.
Por një ari shtatë vjeçar ia shqeu trupin me thonj të fortë.
Më vonë u vërtetua se vrasësi ishte një ari me emrin Jasha, i njohur për shfaqjet e tij jashtë cirkut, të cilit i besonin aq shumë sa i linin njerëzit t'i afroheshin mjaft afër.
Në gusht, ai ari madje vizitoi lojtarët e një klubi futbolli nga Moska para ndeshjes së tyre.
Dy vjet më parë, Jasha shtyu karren e invalidit të një gjimnasti të lënduar dhe madje i lëpiu fytyrën pasi u lëshua nga spitali. Atë kohë, ariu ishte nën kontrollin e zbutësit të saj Oleg Alexandrov.
Punonjësit e tjerë të cirkut të madh shtetëror nga Moska nxorrën Bulichin e plagosur rëndë nga kafazi i ariut, por ai shpejt vdiq në spital, ku u dërgua me urgjencë.
Hetuesit thanë se Bulichi i shkretë nuk kishte asnjë shans për t'i mbijetuar sulmit të ariut.
'Valentini mbylli kafazin nga brenda, nuk kishte asnjë shans. Ariu e sakatoi', thanë ata.
© SYRI.net
Ç’është trendi 'sundress' që ka pushtuar TikTok-un?
Vdiq pa e ditur se kishte zbuluar Amerikën
Pse lexojmë në fillim lajmin e keq dhe më pas atë të mirë? 
Denonco
Merrni lajmet më të fundit nga SYRI.net në çdo moment dhe kudo që të jeni!
