Cara Delevingne mahnit në premierën e ‘Ocean With David Attenborough’ me fustan 100-vjeçar dhe vlerë mbi 10 mijë dollarë

Modelja dhe aktorja e njohur britanike, Cara Delevingne, ka tërhequr gjithë vëmendjen në premierën botërore të dokumentarit të ri të National Geographic, “Ocean With David Attenborough”, që u mbajt më 8 maj në Londër.

E njohur për stilin e saj të guximshëm dhe origjinal, 32-vjeçarja u shfaq me një fustan tërësisht transparent, të bërë nga një pëlhurë shumë e rrallë dhe e vjetër.

Fustani i punuar me dorë, i quajtur tyl-bi-telli, daton që nga viti 1920 dhe vjen nga Kajro, Egjipt, duke i dhënë veshjes një vlerë historike dhe artistike të veçantë. Sipas raportimeve, çmimi i fustanit është 10,040 dollarë (rreth 9,300 euro).

Delevingne kishte zgjedhur të vishte të brendshme me dantella të zeza, ndërsa në vend të reçipetave, kishte mbuluar pjesën e sipërme të trupit me një xhaketë të zezë të gjerë, duke ruajtur një ekuilibër mes elegancës dhe ekspozimit.

Dekolteja e fustanit ishte e zbukuruar me argjend të vërtetë, ndërsa pamjen e saj unike e kompletoi me një varëse të zezë në formë shqiponje dhe këpucë me platformë të zezë. Cara u shoqërua në tapetin e kuq nga motra e saj e madhe, Poppy Delevingne, e cila është shtatzënë dhe pret fëmijën e saj të parë me partnerin Archie Keswick.

Dokumentari “Ocean With David Attenborough” sjell një pasqyrë mbresëlënëse mbi bukurinë e oqeaneve, por edhe kërcënimet që i kanosen atyre nga aktiviteti njerëzor, duke synuar të nxisë ndërgjegjësim për mbrojtjen e jetës detare.

Paraqitja e Cara Delevingne edhe një herë dëshmoi se ajo mbetet një ikona mode dhe individualiteti, që di të kombinojë trashëgiminë kulturore me stilin modern në mënyrë krejt të natyrshme. 

Cara Delevingne is in the building. 🤩 She attends the Ocean With David Attenborough premiere in London. pic.twitter.com/3rGCxyXQOc

— E! News (@enews) May 7, 2025

© SYRI.net

Lexo edhe:

• Megan Fox mahnit me pozat joshëse në setin e ri fotografik, aktorja tërheq vëmendjen e fansave
• Shakira: Do të doja një bashkëpunim me Dua Lipën
• Cllevio dëshmon në GJKKO: Lajmin për shpërthimin me tritol te lokali i Noizyt e mora vesh nga shokët