Këngëtarja Ronnie Spector, e cila ishte anëtare e grupit “The Ronettes” në vitet e gjashtëdhjeta, është ndarë nga jeta në moshën 78-vjeçare.
“Ronnie ynë u largua nga kjo botë pas një beteje të shkurtër me kancerin. Ajo vdiq në krahët e burrit të saj, Jonathan, edhe anëtarët të tjerë të familjes së saj ishin të pranishëm.
“Ajo ishte e guximshme dhe me një buzëqeshje në fytyrë luftoi deri në momentin e fundit të jetës”, thuhet në një deklaratë.
Artistja kishte lindur në Harlem të New Yorkut, ndërsa në vitin 1961 themeloi “The Ronettes” me motrën dhe kushërirën e saj. Ato u bënë të njohura në gjithë botën kur filluan të bashkëpunonin me producentin Phil Spector.
Disa nga këngët e tyre më të njohura janë: “Be My Baby”, “Baby I Love You”, “Walking in the Rain”, “Do I Love You?” etj. “The Ronettes” ishin gjithashtu të njohura në Angli dhe kënduan me Eric Clapton, “Rolling Stones” e “The Beatles”.
Grupi u shpërbë në vitin 1967. Menjëherë pas kësaj, Ronnie u martua me Phil Spector, megjithatë martesa e tyre ishte e trazuar dhe u shkurorëzuan në vitin 1974.
© SYRI.net
'Jam mosha e babit tënd'/ Ja cili është mesazhi që lumturoi Romeon sot
Brad Pitt zbuloi tre filmat që nuk donte të bënte: E urreja të punoja në ta
Bëhen bashkë pas dy vitesh Blero dhe Afrona
Denonco
Merrni lajmet më të fundit nga SYRI.net në çdo moment dhe kudo që të jeni!
