Aktori i njohur indian i filmave dhe serialeve indiane, Siddharth Shukla ka vdekur papritur në moshën 40 vjeçare, në dukje nga një atak kardiak.
Një doktor indian tha për rrjetin britanik BBC se shkaqet e vdekjes nuk ishin ende të qarta, por mediat vendase thanë se kishte pësuar një atak kardiak.
“Ai u soll i vdekur në spital disa kohë më parë”, tha një drejtues i spitalit Cooper Hospital për mediat vendase, duke shtuar: “Raportimet fillestare tregojnë se ka pësuar një atak kardiak, por për të qenë të sigurtë duhet të përfundojmë autopsinë”.
Shukla kishte aktruar në shumë filma e seriale të industrisë indiane televizive të njohur si ‘Bollyëood’.
“Lajmi ka tronditur industrinë televizive”, tha Rohit Khilnani, kreu i grupit televiziv vendas NDTV.
Homazhe të shumta vinin për aktorin nga industria, miqtë e familjarët. Ata shprehnin trishtimin për vdekjen e papritur në moshë kaq të re. Aktori lë pas nënën e dy motrat.
© SYRI.net
Kiara Tito në dyert e spitalit, çfarë ndodhi me moderatoren?
Vendi i telenovelave! Arbana Osmani nis pushimet në këtë shtet
Eva Mendes flet për rolin e grave si nëna: 'Të gjitha jemi super mama'
Denonco
Merrni lajmet më të fundit nga SYRI.net në çdo moment dhe kudo që të jeni!
