Ministria e Shëndetësisë ka disa ditë që ka nisur fushatën për vaksinim, ku ka angazhuar figura publike, të cilët po bëjnë thirrje qytetarëve të vaksinohen.
Deri tani, nga figurat publike të fushës së artit, janë këngëtaret Shyhrete Behluli dhe Dafina Zeqiri të cilat përmes një video mesazhi u kanë bërë thirrje qytetarëve që të vaksinohen.
Në një përgjigje dhënë për Gazetën Online “Reporteri.net“, Ministria e Shëndetësisë ka treguar se asnjëra nga artistet nuk është paguar për të qenë pjesë e fushatës.
“Çdo figurë publike, qoftë sportist, këngëtar apo nga tjera profesione që është i angazhuar në këtë fushatë, këtë e bën falas, për çka MSh është mirënjohëse për gatishmërinë e tyre”, thuhet në përgjigjen e MSh-së për Reporteri.net.
Tutje, MSh ka shtuar se është numër i madh i figurave publike që kanë shprehur interesimin për të marrë pjesë në këtë fushatë.
“Numri i atyre që kanë shprehur interesim vullnetarisht për të qenë pjesë e fushatës pas ftesës së MSh-se është i madh. Ndërsa realizimi i video mesazheve është duke u bërë nga kompani të angazhuara nga donatorët si UNICEF, USAID, SDC, etj”, tha MSh.
Theksojmë se një pjesë e madhe e artistëve gjithë kohës po bëjnë thirrje për vaksinim edhe nëpër llogaritë e tyre në rrjete sociale.
© SYRI.net
Kate Middleton dhe lidhjet e saj të fshehta në festat e sek*it në Londër
Shpati feston ditëlindjen dhe urimin më të ëmbël e mori nga bashkëshortja!
Alec Baldwin flet për varësitë e tij: Më mungon alkooli
Denonco
Merrni lajmet më të fundit nga SYRI.net në çdo moment dhe kudo që të jeni!
