Mbrëmjen e së martës, Anglia ka fituar me vështirësi 2-1 ndaj Danimarkës.
“Tre luanët” kualifikohen në finalen e madhe të Euro 2020, e cila do të zhvillohet këtë diel në “Wembley Arena” në Londër.
Kualifikimit të Kombëtares angleze i janë gëzuar emra të shumtë, ndër ta edhe këngëtarja shqiptare me famë botërore, Dua Lipa, e cila jeton në Angli.
Dua Lipa tregoi se e ndoqi ndeshjen me miqtë e saj, teksa ishte veshur enkas me ngjyrat e flamurit anglez dhe kishte vizatuar simbolin e flamurit në të dy faqet e saj.
“Po vjen në shtëpi”, shkroi këngëtarja shqiptare në mbishkrimin e këtyre fotografive, duke iu referuar sloganit të famshëm të britanikëve për rikthimin e trofeut të futbollit në Mbretërinë e Bashkuar – aty edhe nga ku ka lindur ky sport.
© SYRI.net