Lejimi i pensioneve të dyfishta për ish-pjesëtarët e TMK-së e FSK-së, me një vendim të Qeverisë në 2018 ishte mirepritur nga pensionistët.
Ky vendim ishte marrë, nën arsyetimin që një praktikë e tillë të vazhdojë deri në interpretimin përfundimtar të ligjeve për skemat sociale nga institucioni i ngarkuar me këtë kompetence, raporton SyriKosova.
Rekomandimi qe te kerkohet nje interpretim i tillë, kishte qenë i Zyrës Kombëtare të Auditorit.
Ndihmës-auditorja e Përgjithshme Emine Fazliu, i kishte nisur nje letër sekretarit të Ministrisë së Punës, Izedin Bytyqi, më 24 dhjetor, e në të cilën paralajmërohet se dy prej problemeve që janë evidentuar viteve të fundit, ai me pensionet e dyfishta dhe pensionet për personat e punësuar, do të jenë edhe në raportin për vitin 2018, që pritet të publikohet.
Dhe, duke e marrë parasysh që gjetjet e tilla ishin përsëritur ndër vite, kishin këshilluar qartësimin e legjislacionit te një institucion i ngarkuar me këtë kompetencë..
Nevoja për eliminimin e legjislacionit dykuptimësh dhe përfshirjen e skemave sociale në një ligj, Blendi Hasaj, hulumtues në institutin GAP, e arsyeton me mjetet financiare që ndahen për dy prej kategorive.
Nëntorin e vitit të kaluar, ish-pjesëtarët e FSK-së e TMK-së, protestuan brenda ministrisë, pasi u ishte ndalur njëri prej pensioneve që ata përfitonin.
Me synim nxjerrjen e një ligji bazik për të eliminuar ligjet e veçanta për secilën prej kategorive përfituese, kjo ministri tashmë është në fazat e para të nxjerrjes së legjislacionit të ri.
© SYRI.net