Befasojnë ekonomistët, parashikojnë rritje ekonomike 1.6% në Ukrainë

18:46, 26/04/2023

Instituti i Vjenës për Studime Ekonomike Ndërkombëtare (WIIW) parashikoi se ekonomia e Ukrainës do të rritet lehtë me 1.6% këtë vit.

Vitin e kaluar, produkti i brendshëm bruto (PBB) i Ukrainës u ul me 29.1%, më pak se sa pritej 33%.

”Në dritën e dëmeve të rënda të luftës dhe ikjes së 15 përqind të popullsisë, ekonomia e Ukrainës ka treguar elasticitet”, deklaroi instituti i specializuar në Evropën Qendrore dhe Lindore.

Arsyet e perspektivës optimiste janë mjedisi më i mirë ekonomik, furnizimi më i mirë me energji, marrëveshja për eksportet e grurit dhe ndihma financiare ndërkombëtare.

Në Rusi, ekonomistët e WIIW presin stagnim, ose pa rritje, këtë vit, pas një rënie prej 2.1% të PBB-së vitin e kaluar.

© SYRI.net

Lexo edhe:

• Dogana e Kosovës shënon rekord të ri, të hyrat tejkalojnë vlerën e 500 milionë eurove
• Aksionar në biznes, shtëpi, lokal, kjo është pasuria e Xhelal Sveçlës
• Kosova përfiton 90 milionë euro nga Banka Botërore