Çmimet e naftës u rritën me rreth 3 për qind sot me krahët e shpresës se lloji omicron do të ketë një ndikim të kufizuar në kërkesën globale në vitin 2022, pavarësisht faktit se një numër në rritje i rasteve kanë shkaktuar anulimin e mijëra fluturimeve.
Nafta referencë globale Brent u rrit me 2.55 dollarë, ose 3.4 për qind, në 78.69 dollarë për fuçi në tregjet deri në orën 17:27 GMT.
Nafta amerikane WTI u forcua me 1.85 dollarë ose 2.5 për qind, në 75.64 dollarë për fuçi, raporton Reuters.
Çmimet e naftës, të cilat kanë rënë me më shumë se 10 për qind që nga 26 nëntori kur u shfaqën për herë të parë lajmet për një variant të ri COVID, u rritën javën e kaluar pasi rezultatet paraprake të hulumtimit sugjerojnë se omicron mund të jetë më pak i rrezikshëm se variantet e mëparshme të virusit.
“Megjithëse omicron vazhdon të përhapet më shpejt se çdo variant i COVID-19, lajmi relativisht lehtësues është se shumica e njerëzve të infektuar me omicron shfaqin simptoma të lehta, të paktën deri më tani”, tha Leona Liu, një analiste në DailyFX të Singaporit.
“Qeveria britanike nuk do të prezantojë një kufizim të ri antiCOVID-19 para fundit të vitit 2021”, tha sot ministri i Shëndetësisë Sajid Javid.
Nafta Brent e Detit të Veriut u ngrit 45 për qind këtë vit, për shkak të rimëkëmbjes së kërkesës dhe ofertës më të ulët nga Organizata e Vendeve Eksportuese të Naftës dhe aleatët e saj – OPEC Plus.
© SYRI.net
Produktet kosovare po e humbin tregun amerikan, vitin e kaluar eksportet ranë për 30%
Çfarë po ndodh sot me monedhat e huaja? Ja me sa po blihen dhe shiten dollari dhe euro
FMN: Inteligjenca Artificiale rrezikon 26-40% të vendeve të punës në vendet në zhvillim si Shqipëria 
Denonco
Merrni lajmet më të fundit nga SYRI.net në çdo moment dhe kudo që të jeni!
