Yllka Metaj-Shaqiri, drejtoreshë në Rrjetin e Shitësve me Pakicë, po konsideron se është e domosdoshme që TVSH të mbetet 8% dhe të mos kthehet në 18%.
Këtë kërkesë ajo tha se e kanë dërguar edhe në Ministrinë e Financave, por se ende s’kanë marrë ndonjë përgjigje.
“Kërkesa është që në kuadër të Ligjit të Rimëkëmbjes, neni 7 që ka plotësim-ndryshim të ligjit të TVSH-së , ku norma e përshkallëzuar prej 18% në 8% për sektorin e horekës të vazhdojë edhe për një vit, si dhe në fund të vitit 2022 të rishikohet edhe njëherë. Kjo është kërkesa jonë eksplicite”.
Metaj-Shaqiri, në Info Magazine, ka thënë se situata në terren me koronavirusin nuk është e mirë dhe çdo masë e re parandaluese që ndërmerret, ndikon drejtpërdrejt në këtë sektor.
“Kjo shkon zinxhir, sepse shpenzimet operative do të rriten për 10% te secili biznes dhe prapë do të vazhdojë mbijetesa te sektori i horekës për arsye që ka me pasë obligime shtesë. Pra, furnizimet i kemi blerë më shtrenjtë dhe ka me qenë shumë vështirë të operosh me lëvizjen e kufizuar, me katër persona në tavolinë, me tarracat e hapura mbyllen. Kjo ndikon padyshim në reduktim të punëtorëve”.
Ajo ka thënë se ky sektor u godit shumë nga pandemia dhe vendimet e njëpasnjëshme për kufizime kanë ndikuar shumë, qoftë në të bërit biznes, qoftë në performancë të kompanisë.
“Ka pasë edhe stimuj të caktuar prej qeverisë që kanë ndihmuar në këtë mbijetesë të operatorëve ekonomikë. Kanë qenë të duhura, por mundet të bëhet edhe më shumë, sidomos tash kur ligjet janë në përfundim”.
Metaj-Shaqiri tha se edhe vendet europiane dhe ato të rajonit e kanë vazhduar të paktën edhe për një vit përqindjen më të ulët e TVSH-së për shkak të situatës së paqëndrueshme.
© SYRI.net
Kosovë: Kodi i ri Doganor dhe i Akcizave hyn në fuqi më 26 maj 2024
Kursi zyrtar i këmbimit valutor, 18 maj 2024
Naftëtarët drejt falimentimit i bëjnë thirrje qeverisë të marrë masa për çmimet
Denonco
Merrni lajmet më të fundit nga SYRI.net në çdo moment dhe kudo që të jeni!
