Punëtorët e Ferronikelit para Qeverisë, të enjten protestojnë

18:14, 26/10/2021

Punëtorët e Ferronikelit kanë njoftuar se të enjten, në ora 11:30, do të protestojnë para objektit të Qeverisë së Kosovës.

Përmes një njoftimi, punëtorët e Ferronikelit shprehen të pakënaqur ndaj mos-interesimit të qeverisë për gjendjen e tyre, ku nga 8 tetori janë të papunë rreth 1 mijë punëtorë të kësaj kompanie, ata kërkojnë një zgjidhje të shpejt nga Qeveria e Kosovës.

“Nën organizimin e Sindikatës së Pavarur të Punëtorëve, punëtorët e kompanisë “NewCo Ferronikeli” do të protestojnë para Qeverisë së Kosovës. Protesta thirret si pasojë e mungesës së interesimit nga ana e qeverisë për gjendjen e rreth 1,000 punëtorëve të kompanisë, të cilët që nga 8 tetori janë të papunë. Kërkesë do të jetë trajtimi serioz institucional i kësaj çështjeje për gjetjen e një zgjidhjeje të shpejt”, thuhet në njoftim.

Sindikata njofton se gjatë protestës do të respektohen rregullat ligjore për luftimin e pandemisë COVID-19.

© SYRI.net

Lexo edhe:

• Dogana e Kosovës shënon rekord të ri, të hyrat tejkalojnë vlerën e 500 milionë eurove
• Aksionar në biznes, shtëpi, lokal, kjo është pasuria e Xhelal Sveçlës
• Kosova përfiton 90 milionë euro nga Banka Botërore