Jo vetëm shëndeti, por edhe ekonomia kosovare po lundron pa kapiten

08:20, 24/02/2021

Burim Piraj, pronar i kompanisë 'MEKA' ka thënë se nën hijen e politikës ekonomia në Kosovë ka shkuar shumë keq.

Ai përmes një shkrimi në Facebook, thotë se jo vetëm shëndeti por edhe ekonomia kosovare po lundron pa kapiten.

Tutje, ai jep të dhëna shqetësuese lidhur me papunësinë dhe rënien e qarkullimit total në vend.

"Rënia e qarkullimit total në vend me diku afër një miliardë ka pas pasoja dhe kjo është rënia më e madhe historike e bruto produktit vendor të Kosovës së re që po mendohet të jetë diku 6% e që asnjëherë Kosova nuk ka pas rritje ekonomike në këtë nivel sa ka qenë kjo rënia.Papunësia është rritur dhe nëse nuk do të merr masa qeveria e re do të rritet edhe më shumë" shkruan ai.