Sekretari amerikan i Shtetit, Marco Rubio, ka deklaruar se Irani nuk mund të pajiset kurrë me armë bërthamore, duke theksuar se ky është një qëndrim i prerë dhe i pandryshueshëm i Shteteve të Bashkuara, në linjë edhe me presidentin Donald Trump. Sipas tij, çdo ide se një marrëveshje e mundshme do ta vendoste Iranin në një pozicion më të favorshëm në çështjen bërthamore është “absurde”.
Rubio tha se Uashingtoni po i jep përparësi rrugës diplomatike për t’i dhënë fund konfliktit dhe tensioneve me Iranin, duke shtuar se në bisedimet e fundit janë shënuar disa përparime, por ende nuk është arritur një marrëveshje përfundimtare. Ai theksoi se është e mundur që në orët në vijim të ketë zhvillime pozitive, veçanërisht lidhur me Ngushticën e Hormuzit, por nënvizoi se “ka ende punë për t’u bërë” dhe se njoftimet finale do të vijnë më vonë.
Ndërkohë, ka ardhur edhe reagimi i palës iraniane, përmes mediave gjysmëzyrtare. Agjencia e lajmeve Tasnim, e lidhur me Gardën Revolucionare Islamike (IRGC), raporton se Irani nuk ka marrë asnjë angazhim në draft-marrëveshjen me SHBA për të dorëzuar materiale bërthamore, pavarësisht raportimeve të mediave perëndimore.
Sipas këtij reagimi, negociatat për çështjen bërthamore janë shtyrë për një fazë të mëvonshme, ndërsa aktualisht drafti i bisedimeve është i kufizuar vetëm në çështjen e përfundimit të konfliktit dhe nuk përfshin detaje mbi programin bërthamor iranian.
Kështu, ndërsa SHBA flet për përparim diplomatik dhe nevojën për ndalimin e Iranit nga pajisja me armë bërthamore, Teherani, përmes mediave të tij, mohon që çështja bërthamore të jetë pjesë e marrëveshjes aktuale, duke treguar se palët mbeten ende me qëndrime të ndryshme.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Irani mbyll Ngushticën e Hormuzit për shkak të shkeljeve të armëpushimit
Pavarësisht armëpushimit, Izraeli nis një valë sulmesh të reja, vriten pesë persona
Presidenti polak i heq Zelenskyt nderin më të lartë në debatin mbi njësinë e Luftës II Botërore