Presidenti i SHBA-së, Donald Trump, u zotua se do të "pezullojë përgjithmonë migracionin” nga ato që ai i quajti "vende të Botës së Tretë”. Deklarata erdhi pas një sulmi me armë pranë Shtëpisë së Bardhë, i cili dyshohet se u krye nga një shtetas afgan.
Trumpi nuk përmendi emra shtetesh të caktuara në postimin e tij në platformën Truth Social, por tha se kjo lëvizje synon të "rimëkëmbë plotësisht vendin, të anullojë të gjitha milionat e pranimeve të paligjshme të Bidenit përfshirë ato të nënshkruara nga 'autopen'-i (nënshkrimi automatik) i 'Sleepy Joe' Biden dhe të largojë këdo që nuk është aset me vlerë për Shtetet e Bashkuara.”
Kufizim i përfitimeve për "jo-shtetasit”
Ai tha se do t'u jepte fund të gjitha përfitimeve dhe subvencioneve federale për "jo-shtetasit” dhe do t'u "hiqte shtetësinë migrantëve që cenojnë qetësinë e brendshme”. Trump shtoi se do të dëbonte çdo shtetas të huaj që e konsideronte barrë publike, rrezik për sigurinë ose "të papajtueshëm me qytetërimin perëndimor”.
"Vetëm migracioni i anasjelltë mund ta shërojë plotësisht këtë situatë,” shtoi Trump në postimin e tij.
Sulmi në Uashington DC
Sulmi ndaj dy anëtarëve të Gardës Kombëtare në Uashington DC rezultoi në një vdekje. Një shtetas afgan 29-vjeçar, i cili kishte punuar me CIA-n gjatë Luftës në Afganistan, po përballet me akuza. Ai kishte migruar përmes një programi të krijuar nga Biden për të zhvendosur ata që ndihmuan trupat amerikane pas tërheqjes nga Afganistani.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Porsche ndryshon strategjinë: më pak makina në treg, më shumë fitim
Dy të mitur gjenden të vdekur në makinë për shkak të valës së të nxehtit në Francë
Inteligjenca artificiale dhe gazetaria, rasti që tronditi median gjermane