Dhomat e Specializuara të Kosovës në Hagë kanë caktuar për 28 nëntor konferencën përgatitore për gjykimin në çështjen ndaj ish-presidentit Hashim Thaçi, i cili akuzohet për pengim të drejtësisë.
Në të njëjtin proces janë të akuzuar edhe Fadil Fazliu, Isni Kilaj, Bashkim Smakaj dhe Hajredin Kuçi.
“Gjykatësi i vetëm Kristofer Gosnell në çështjen kundër Thaçit, Smakajt, Kilajt, Fazliut dhe Kuçit ka caktuar konferencën përgatitore për gjykimin dhe konferencën përgatitore për gjykimin të ZPS-së për 28 nëntor, në orën 09:30. Në këtë vendim, Gjykatë Gosnell caktoi afatet 20 nëntor për ZPS-në dhe 24 nëntor për Mbrojtjen për dorëzimin e parashtrimeve për disa pika të rendit të ditës të seancës, përfshirë gatishmërinë e palëve për të filluar gjykimin në javën që fillon më 15 dhjetor”, u tha në njoftim.
Sipas një njoftimi që e ka bërë mbrojtja e Thaçit e përfaqësuar nga avokatja Sophie Menegon, klienti i saj do të marrë pjesë në këtë konferencë përmes videocall..
Konferenca pritet të mbahet rreth orës 09:30 me 45 minuta vonesë në transmetim.
Nuk është hera e parë që Dhomat e Specializuara caktojnë seanca në ditë festash për Kosovën.
Edhe më herët, më 17 shkurt në Ditën e Pavarësisë së Kosovës ishte caktuar një seancë, e cila më pas ishte anuluar pas reagimeve.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Porsche ndryshon strategjinë: më pak makina në treg, më shumë fitim
Dy të mitur gjenden të vdekur në makinë për shkak të valës së të nxehtit në Francë
Inteligjenca artificiale dhe gazetaria, rasti që tronditi median gjermane