Presidenti i SHBA-së, Donald Trump priti Kryeministrin Benjamin Netanyahu në Shtëpinë e Bardhë ndërsa ka pritshmëri për arritjen e një marrëveshjeje për luftën në Gazë.
Trump ka prezantuar një plan prej 21 pikash para të dyja palëve për t’i dhënë fund luftës, për lirim të pengjeve që mban Hamasi dhe për çarmatosje të militantëve palestinezë.
Të dielën ai tha në rrjete sociale se “të gjithë pajtohen për diçka speciale për herë të parë”, dhe ka përmendur bisedimet që ka zhvilluar me liderë arabë në Kombet e Bashkuara një javë më parë.
Netanyahu, në anën tjetër, ka dhënë pak arsye për shpresë, pasi në fjalimin e mbajtur të premten në Kombet e Bashkuara, ai është zotuar për “të përfunduar punën” kundër Hamasit dhe e ka kundërshtuar shtetësinë palestineze – e cila është njohur së fundmi nga disa shtete perëndimore.
Kjo është hera e katërt që Netanyahu udhëton drejt Uashingtonit gjatë këtij viti – më shumë se çdo tjetër lider i huaj. Vizita e parë në SHBA ishte në shkurt, më pas u rikthye në prill për të diskutuar mbi tregtinë dhe tarifat. Netanyahu ishte në Uashington në korrik, pak ditë pasi Izraeli dhe SHBA kryen sulme ndaj objekteve bërthamore iranianet.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Irani rihap pjesën perëndimore të hapësirës ajrore të vendit
Raundi i 5-të i bisedimeve Liban-Izrael fillon në Washington
Turqia arreston mbi 200 persona para samitit të NATO-s