Presidenti Donald Trump ka hequr nga “Korridori i Presidentëve”, paraardhësit të tij Joe Biden. Siç shihet në pamje, portreti i Biden nuk ndodhet në vendin ku ekspozohen portretet zyrtare të të gjithë presidentëve amerikanë, por në vend të tij është vendosur një fotografi e një stilolapsi automatik. Pamja më lart u publikua nga asistentja speciale e presidentit dhe këshilltarja e komunikimit Margo Martin në një postim në X.
Simbolika e stilolapsit nuk është rastësore, pasi Trump e kishte ngritur për herë të parë këtë temë muajt e fundit të mandatit të Biden, duke vënë në dyshim nëse nënshkrimet e presidentit në dekretet dhe ligjet ishin vërtet të tijat, pasi ishin “identike dhe të përsëritura”.
Biden në atë kohë i hodhi poshtë deklaratat e Trump, duke thënë në një deklaratë: “Më lejoni të jem i qartë: Unë i mora vendimet gjatë presidencës sime. Unë mora vendimet në lidhje me faljet, urdhrat ekzekutivë, legjislacionin dhe shpalljet. Çdo sugjerim se nuk e mora unë është qesharak dhe i rremë.”
The Presidential Walk of Fame has arrived on the West Wing Colonnade
— Margo Martin (@MargoMartin47) September 24, 2025
Wait for it… 🖊️👀 pic.twitter.com/ApWfdxfFQa
Trump ka zhvendosur edhe portretet e presidentëve të tjerë, përfshirë Barack Obamën dhe George W. Bush dhe e ka zëvendësuar portretin e ish-zonjës së parë Hillary Clinton me një të tijën.
Trump gjithashtu filloi ndryshmiet e Kopshtit të Trëndafilave të Shtëpisë së Bardhë në fillim të kësaj vere, duke shtruar pjesën e oborrit me pllaka mermeri dhe duke shtuar ndriçim dhe altoparlantë të rinj për të organizuar eventet. Vendosja e re në stilin e verandës është ngjasuar me Mar-a-Lago, ku Trump darkon gjatë fundjavave të tij larg Uashingtonit, dhe është quajtur "Klubi i Kopshtit të Trëndafilave".
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Irani rihap pjesën perëndimore të hapësirës ajrore të vendit
Raundi i 5-të i bisedimeve Liban-Izrael fillon në Washington
Turqia arreston mbi 200 persona para samitit të NATO-s