Moska planifikon hakmarrjen pas dëbimit të diplomatit rus nga Londra

Rusia do të hakmerret për dëbimin e një diplomati rus nga Londra, ka mësuar TASS nga Ministria e Jashtme ruse.

“Do të ketë një përgjigje”, tha ministria.

Më parë, zyra e Jashtme, Komonuelthit dhe Zhvillimit të Mbretërisë së Bashkuar tha në një deklaratë se kishte hequr akreditimin e një diplomati rus. Sipas deklaratës, masa erdhi si hakmarrje për dëbimin nga Rusia të një diplomati të Mbretërisë së Bashkuar nëntorin e kaluar.

Shërbimi Federal i Sigurisë së Rusisë (FSB) raportoi në nëntor 2024 se sekretarit të dytë të departamentit politik të Ambasadës së Mbretërisë së Bashkuar në Moskë, Wilkes Edward Pryor, i cili zëvendësoi një nga gjashtë oficerët e inteligjencës britanike që punonin në ambasadë përpara se të dëbohej në gusht, i është hequr gjithashtu akreditimi diplomatik. Atij iu dhanë dy javë kohë që të largohej nga Rusia.

Ministria e Jashtme e Mbretërisë së Bashkuar i hodhi poshtë akuzat si të pabaza, dhe u zotua të hakmerret. Ministria ruse premtoi një përgjigje kokë më kokë, nëse Londra vendos të përshkallëzojë situatën më tej./ TASS.

© SYRI.net

Lexo edhe:

• Irani rihap pjesën perëndimore të hapësirës ajrore të vendit
• Raundi i 5-të i bisedimeve Liban-Izrael fillon në Washington
• Turqia arreston mbi 200 persona para samitit të NATO-s