Trump do të nënshkruajë një sërë urdhrash ekzekutivë pas betimit

Donald Trump ka premtuar se do të nënshkruajë “afro 100” urdhra ekzekutivë brenda disa orësh pas marrjes së detyrës sot.

Këto urdhra pritet të përfshijnë masa për të kufizuar emigracionin, rritur tarifat e importit, ndalur politikat e diversitetit të qeverisë amerikane dhe çliruar sektorët, përfshirë energjinë dhe kriptovalutat.

Gjithashtu do të përcaktohet roli i Departamentit të Efikasitetit të Qeverisë – që do të drejtohet nga Elon Musk – raportuan mediat amerikane.

“Duke filluar nga nesër, unë do të veproj me një shpejtësi historike dhe të fuqishme për të zgjidhur çdo krizë me të cilën përballet vendi ynë,” u shpreh Trump para mbështetësve gjatë një tubimi triumfues në Uashington, të dielën.

“Çdo urdhër ekzekutiv radikal dhe idiot i administratës Biden do të shfuqizohet brenda disa orëve pas betimit tim. Do të argëtoheni shumë duke ndjekur televizorin.”

Një urdhër ekzekutiv është një udhëzim i shkruar i lëshuar nga presidenti për qeverinë federale që nuk ka nevojë për miratim nga Kongresi.

Donald Trump do të betohet në ndërtesën e Kapitolit në Uashington DC rreth mesditës me orën lokale, pasi nënpresidenti JD Vance të bëjë betimin e tij për detyrën. / The Telegraph - Syri.net

© SYRI.net

Lexo edhe:

• Irani rihap pjesën perëndimore të hapësirës ajrore të vendit
• Raundi i 5-të i bisedimeve Liban-Izrael fillon në Washington
• Turqia arreston mbi 200 persona para samitit të NATO-s