Marrëveshja historike/ Si do zbatohet armëpushimi mes Izraelit dhe Hamasit

Marrëveshja historike e armëpushimit në Gaza pritet të hyjë në fuqi duke nisur nga mëngjesi i të dielës. Marrëveshja i jep fund luftimeve që nisën pas sulmit të 7 tetorit 2023. Por si do zbatohet ajo?

Nga Rushfi Abualouf, BBC

Një zyrtar i lartë palestinez, i përfshirë në negociatat e Dohas, ka zbuluar se është krijuar një protokoll sigurie i padeklaruar.

Sipas kësaj marrëveshjeje, Izraeli do të lejojë policinë e Hamasit të operojë me uniformat e saj zyrtare blu brenda zonave të caktuara të Rripit të Gazës, sapo të hyjë në fuqi armëpushimi.

Sipas zyrtarit, policia e Hamasit do të menaxhojë lëvizjen e individëve të zhvendosur nga Gaza jugore për në veri, duke shmangur afërsinë me forcat izraelite, të cilat do të mbajnë një prani sigurie përgjatë kufijve lindorë dhe veriorë të Rripit.

Më tej u ra dakord që personeli i policisë së Hamasit do të përmbahet nga mbajtja e armëve, përveç kur është absolutisht e nevojshme.

Katari dhe Egjipti do ndërmjetësojnë mes dy palëve për të parandaluar çdo konflikt të mundshëm.

© SYRI.net

Lexo edhe:

• Irani rihap pjesën perëndimore të hapësirës ajrore të vendit
• Raundi i 5-të i bisedimeve Liban-Izrael fillon në Washington
• Turqia arreston mbi 200 persona para samitit të NATO-s