Dominique Pelicot, një pensionist francez 68-vjeçar, u shndërrua në simbol të një krimi tronditës që ka zemëruar publikun në Francë dhe më gjerë.
Pas një procesi gjyqësor katërmujor, ai u shpall fajtor për drogimin e gruas së tij, Gisele, dhe përfshirjen e dhjetëra burrave në përdhunimin e saj gjatë viteve. Sjellja e tij e qetë dhe kontrolluese, madje edhe në sallën e gjyqit, ka lënë ekspertët dhe publikun të tronditur.
Psikiatri Laurent Lajet, i cili ka analizuar raste të panumërta kriminale, e përshkroi Pelicot si një burrë me një personalitet “të ndarë” – një figurë me dy faqe: një qytetar i dukshëm normal dhe një grabitqar llogaritës. Megjithëse nuk u identifikuan shenja të sëmundjes së rëndë mendore, ai u diagnostikua me një çrregullim antisocial të personalitetit, që karakterizohet nga mungesa e ndjeshmërisë dhe një natyrë thellësisht manipuluese.
E kaluara e Pelicot përfshin dyshime për krime edhe më të hershme. Hetimet vazhdojnë për lidhjet e tij me përdhunime dhe vrasje në vitet 1990, përfshirë rastet e një agjente pronash dhe një gruaje tjetër që u vra brutalisht. Megjithatë, ai mohon çdo përfshirje.
Në sallën e gjyqit, Pelicot mbajti një sjellje sfiduese, shpesh duke ndërhyrë në mënyrë arrogante dhe duke mbrojtur veprimet e tij si të paarsyeshme. Ndërkohë, ish-bashkëshortja e tij, Gisele, u shfaq si simbol i qëndresës dhe guximit, duke përballuar publikisht turpin dhe traumën që i shkaktoi burri që dikur dashuronte.
Dominique Pelicot do të kalojë pjesën e mbetur të jetës së tij në burg, por pyetjet për veprimet dhe motivet e tij mbeten të hapura. Historia e tij mbetet një kujtesë e errët e mundësive të të keqes njerëzore dhe thirrje për drejtësi për viktimat e tij.
Pershatur për SYRI.NET nga BBC
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Irani rihap pjesën perëndimore të hapësirës ajrore të vendit
Raundi i 5-të i bisedimeve Liban-Izrael fillon në Washington
Turqia arreston mbi 200 persona para samitit të NATO-s