Irani do të ndjekë çdo gjë që siguron interesin e tij, tha të martën zëdhënësja e qeverisë Fatemeh Mohajerani, kur u pyet nëse mund të ketë bisedime të drejtpërdrejta me administratën Trump.
"Çfarëdo që siguron interesin e vendit dhe vlerat e revolucionit, do të ndiqet nga qeveria," i tha Mohajerani një gazetari, sipas Agjencisë iraniane të Lajmeve Studentore.
Nuk ka pasur raporte se Donald Trump ose ekipi i tij po planifikojnë ndonjë bisedë të tillë, ndërsa ai përgatitet të kthehet në presidencën amerikane.
Trump tërhoqi në mënyrë të njëanshme SHBA-në, nga marrëveshja bërthamore e Iranit me fuqitë botërore të vitit 2015 gjatë mandatit të tij të fundit më 2018, dhe ri-aplikoi sanksionet që ndikuan rëndë ekonominë iraniane.
"Fushata e presionit maksimal të Trumpit ka dështuar, edhe nëse njerëzit janë ngarkuar me të. E rëndësishme do të jenë veprimet dhe jo fjalët, por ne rekomandojmë që Trump të marrë parasysh dështimin e politikave të tij të së kaluarës", shtoi Mohajerani.
Bisedimet indirekte midis Uashingtonit dhe Teheranit për të ringjallur marrëveshjen bërthamore u iniciuan nën administrimin e presidentit amerikan Joe Biden, por ngecën. Irani është ende zyrtarisht pjesë e marrëveshjes, por ka pakësuar angazhimet për ta respektuar atë, për shkak të sanksioneve të SHBA-së të rivendosura ndaj Republikës Islamike./ Reuters.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Porsche ndryshon strategjinë: më pak makina në treg, më shumë fitim
Dy të mitur gjenden të vdekur në makinë për shkak të valës së të nxehtit në Francë
Inteligjenca artificiale dhe gazetaria, rasti që tronditi median gjermane