Kreu i qeverisë së përkohshme të Bangladeshit, laureati i Nobelit, Muhammad Yunus, thotë se dorëheqjet e profilit të lartë të autoriteteve pranë kryeministres së rrëzuar, Sheikh Hasina janë të ligjshme ,pasi udhëheqësit studentorë që organizuan protesta kundër qeverisë së Hasina lëshuan ultimatume për ta.
"Ligjërisht ... të gjithë hapat u ndërmorën," i tha Yunus, 83 vjeç, një grupi gazetarësh të dielën mbrëma.
Shefi i drejtësisë së vendit, pesë gjyqtarë dhe guvernatori i bankës qendrore kanë dhënë të gjithë dorëheqjen ditët e fundit, pjesë e një transformimi dramatik pas javësh protestash kundër një sistemi kuotash për vendet e punës në qeveri, i kthyer në një kryengritje masive. Hasina dha dorëheqjen dhe iku në Indi javën e kaluar.
Junus tha se një përparësi kryesore e qeverisë së përkohshme është rivendosja e pavarësisë së gjyqësorit. Ai e quajti ish-kryetarin e drejtësisë Obaidul Hassan "thjesht një xhelat".
Syed Refaat Ahmed u emërua kryetar i ri i drejtësisë të dielën, pasi emri i tij u propozua nga drejtuesit studentorë të protestave.
Studentët zotohen se do të pastrojnë sistemin politik nga qeverisja e Hasinës, të cilën e kanë denoncuar si autokratike. Më shumë se 300 njerëz, përfshirë studentë dhe oficerë policie, u vranë në javët e dhunës.
Yunus mori detyrën të enjten, pasi udhëheqësit e studentëve arritën në kontakt. Ai tha se studentët i thanë se ishte i vetmi që mund t'i besonin.
Qeveria e përkohshme pritet të shpallë zgjedhje të reja, por nuk dihet se kur do të mbahen.
Junus kishte qenë një kritik i gjatë i Hasinës dhe qeverisë së saj. Një ekonomist dhe bankier me profesion dhe i njohur si "bankieri për më të varfërit e të varfërve", ai u nderua me Çmimin Nobel për Paqen në vitin 2006 për fillimin e përdorimit të mikrokredive për të ndihmuar njerëzit e varfër, veçanërisht gratë.
Yunus hasi në telashe me Hasinën në vitin 2008, kur administrata e saj nisi një seri hetimesh ndaj tij dhe bankës së tij Grameen. Ai u vu në gjyq në vitin 2013 me akuzën për marrjen e parave pa lejen e qeverisë, duke përfshirë çmimin e tij Nobel dhe honoraret nga një libër.
Yunus i ka mohuar akuzat dhe mbështetësit e tij thonë se ai ishte në shënjestër, për shkak të marrëdhënieve të tij të ftohta me Hasinën
© SYRI.net
Elon Musk me hapin për t’u bërë trilioneri i parë në Botë deri në vitin 2027
Këto janë vendet me rritjen më të lartë ekonomike në BE
Kryeministri britanik vizitë në Dublin, në fokus përpjekjet për të forcuar marrëdhëniet mes dy vendeve
Denonco
Merrni lajmet më të fundit nga SYRI.net në çdo moment dhe kudo që të jeni!
