Frika për luftë në rajon/ Qiproja, vendi i ‘shenjtë’ sërish në gatishmëri për evakuimin e evropianëve

Ishulli mesdhetar i Qipros është në gatishmëri për të ndihmuar në evakuimin e evropianëve dhe shtetasve të vendeve të treat, nëse konflikti në Lindjen e Mesme thellohet, thanë zyrtarët të enjten.

Shteti më lindor i Bashkimit Evropian, Qiproja ka qenë gjatë disa dekadave të fundit një vend i shenjtë për mijëra, që i shpëtojnë luftës në rajonin e paqëndrueshëm të Lindjes së Mesme.

Antagonizmi i Izraelit me Iranin dhe lëvizjen libaneze të Hezbollahut ka nxitur frikën e një konflikti më të gjerë në një rajon, tashmë në telash mes 10 muajsh luftë midis Izraelit dhe militantëve të Hamasit në Gaza.

"Ne jemi gati, kemi aktivizuar një plan specifik, ESTIA, i cili është provuar dhe testuar," tha zëvendëszëdhënësi i qeverisë së Qipros, Janis Antoniou.

"Në rast se na kërkohet të ndihmojmë vendet e tjera që mund të zhvendosin shtetasit e tyre nga zona e krizës në shtëpi, ne jemi në gjendje t'i presim ata për disa ditë, derisa të riatdhesohen," tha ai.

Antoniou i tha Reuters se afër 10 vende kishin bërë hetime mbi skemën, pore nuk kishte pasur një kërkesë specifike zyrtare. Nëse një plan evakuimi masiv ndodh, ai kryesisht do të ishte nga ajri, tha ai.

 “Ne kemi kapacitete, infrastrukturë”, tha ai.

Qendra e koordinimit do të jetë Qendra e Përbashkët e Koordinimit të Shpëtimit (JRCC) në qytetin port jugor të Larnaka, pranë aeroportit më të madh të ishullit. Ai operon gjatë gjithë kohës me rolin e tij kryesor për të koordinuar, kontrolluar dhe drejtuar operacionet e kërkim-shpëtimit.

Disa komplekse me tenda ishin ngritur të enjten, me krevat fëmijësh që do të përdoreshin për të përpunuar çdo mbërritje, thanë njerëzit në vend.

Qiproja luajti një rol vendimtar si një qendër evakuimi për rreth 30,000 njerëz,  që u larguan nga Libani gjatë një shpërthimi të armiqësive midis Izraelit dhe Hezbollahut më 2006.

"Historikisht ne kemi marrëdhënie shumë të mira me të gjithë fqinjët tanë, kështu që ne përpiqemi të përdorim këtë rol të veçantë që kemi dhe duam që Qiproja të jetë një shtyllë sigurie dhe stabiliteti, si dhe të veprojë si një urë bashkëpunimi dhe paqeje," tha Antoniou.

© SYRI.net

Lexo edhe:

• Irani mbyll Ngushticën e Hormuzit për shkak të shkeljeve të armëpushimit
• Pavarësisht armëpushimit, Izraeli nis një valë sulmesh të reja, vriten pesë persona
• Presidenti polak i heq Zelenskyt nderin më të lartë në debatin mbi njësinë e Luftës II Botërore