Dy persona kanë humbur jetën nga shembja e një hoteli në Gjermani, 9 të tjerë mbeten nën rrënoja

12:35, 07/08/2024

Dy persona kanë mbetur të vdekur në Kröv të Gjermanisë, pasi një ndërtesë hoteli u shemb pjesërisht mbrëmjen e së martës, ndërsa disa të tjerë mbeten të bllokuar nën rrënoja.
Operacionet e shpëtimit janë duke vazhduar me më shumë se 200 personel të shërbimeve emergjente në vendngjarje.

Katërmbëdhjetë persona ndodheshin brenda hotelit në momentin e incidentit, sipas policisë lokale. Një fëmijë dy vjeçar, një burrë dhe dy gra janë shpëtuar deri më tani, siç raporton transmetuesi gjerman SWR.
I vendosur pranë brigjeve të lumit Moselle, çatia e hotelit u shemb rreth orës 23:00 me orën lokale (21:00 GMT) të martën, duke thyer dritaret ndërsa kati i fundit i ndërtesës u shemb në katin e poshtëm.

Pesë persona mundën të largoheshin nga ndërtesa të padëmtuara të martën vonë në mbrëmje, por nëntë të tjerë u bllokuan nën rrënoja.
Në një konferencë shtypi të mërkurën, inspektori i zjarrit Jörg Teusch identifikoi dy personat e vrarë si një burrë dhe një grua, të cilët ai tha se vdiqën gjatë natës si pasojë e drejtpërdrejtë e shembjes së ndërtesës.
Rreth 250 personel të shërbimeve të urgjencës u vendosën për të mbështetur përpjekjet e shpëtimit, duke përfshirë zjarrfikësit, policinë, ekipet e qenve të shpëtimit dhe mjekët.
Siç raportohet nga transmetuesi lokal SWR, ndërtesa e dëmtuar në Gjermaninë perëndimore daton në vitet 1600. Ai përjetoi rinovime të rëndësishme në vitet 1980, kur hotelit tashmë dykatësh iu shtua një kat shtesë.

Lugina e Moselës është një destinacion popullor turistik, i famshëm për vreshtat dhe qytetet e vjetra piktoreske.
Një mysafir i hotelit i cituar nga SWR tha se ai ishte në tualet kur dyshemeja poshtë tij u shemb.
Banorëve aty pranë u është thënë që të evakuojnë zonën duke pasur parasysh shqetësimet se ndërtesa e hotelit mund të shembet më tej./ BBC - Syri.Net

© SYRI.net

Lexo edhe:

• 12 orë fshehur për të vrarë Trump: Del video e arrestimit të atentatorit të dytë ndaj ish-presidentit
• Zelensky thotë se plani i fitores së luftës së Ukrainës është 90 për qind gati, do t’i prezantohet aleatëve javën e ardhshme
• Ekspertët e OKB-së dënojnë mbështetjen perëndimore për Izraelin që nga lufta e Gazës