Presidenti i Shteteve të Bashkuara të Amerikës, Joe Biden ka shtyrë në momentet e fundit takimin e parashikuar me Sekretarin e Përgjithshëm të NATO, Jens Stoltenberg, për motive shëndetësore.
Lajmi u dha nga Shtëpia e Bardhë e cila sqaron se presidenti Biden anuloi dhe disa takime të tjera pasi iu desh t’i nënshtrohej me urgjencë një procedure të dytë dentare.
Presidenti Biden kishte dhimbje dhëmbi të dielën dhe u trajtua nga mjekët në Qendrën Mjekësore Kombëtare Ushtarake “Walter Reed”, por duket se problemet i janë rishfaqur një ditë më vonë dhe është parë e nevojshme ndërhyrja dentare.
Jens Stoltenberg ka drejtuar aleancën ushtarake që nga viti 2014, periudhë gjatë së cilës mandati i tij është zgjatur tre herë. Në fillim të këtij viti, ai bëri të ditur se në fund të shtatorit do të largohet.
Përpjekjet për zëvendësimin e tij janë intensifikuar ndërsa udhëheqësit e aleancës ushtarake prej 31 anëtarësh, mblidhen muajin e ardhshëm për takimin vjetor të nivelit të lartë, që mbahet në Vilnius të Lituanisë.
© SYRI.net
Rusia kryen sulm të madh me dronë dhe raketa në disa rajone ukrainase
Lufta në Gaza, Franca dhe Kina deklaratë të përbashkët, mbështesin krijimin e shtetit palestinez
Vdes në luftën me Rusinë peshëngritësi i njohur ukrainas
Denonco
Merrni lajmet më të fundit nga SYRI.net në çdo moment dhe kudo që të jeni!
