Silvio Berlusconi, ish-kryeministri miliarder i Italisë, vdiq të hënën , duke lënë pas një perandori të madhe biznesi.
Nuk është ende e qartë se si do të ndahet pasuria e Berlusconit-it, e ndërtuar përmes pronësisë së disa prej kompanive më të njohura italiane, përfshirë klubin e suksesshëm të futbollit AC Milan, mes pesë fëmijëve të tij.
Indeksi i miliarderëve të Bloomberg e vendos vlerën neto të Berlusconit në 7.6 miliardë dollarë që nga e hëna.
Pra, si i fitoi paratë kryeministri më jetëgjatë i Italisë që nga Lufta e Dytë Botërore – si dhe një nga më të diskutueshmet e saj?
Manjati i medias
Katër herë kryeministri i Italisë hyri në politikë në moshën 57- vjeçare. Por, para kësaj, ai grumbulloi një pasuri nga pronat e patundshme në fund të viteve 1960, përpara se të bënte emrin e tij si një manjat mediatik.
Në vitet 1970, ai i diversifikoi interesat e tij duke krijuar një kompani kabllore televizive, Telemilano, dhe duke blerë dy kanale të tjera kabllore në Itali.
Në vitin 1978, këto kanale u inkorporuan në kompaninë e sapoformuar të familjes së tij, Fininvest. Pikërisht përmes Fininvest-it, Berlusconi fitoi aksione të mëdha në disa prej firmave të mëdha mediatike evropiane, si dhe AC Milan.
Berlusconi zotëronte 61.3% të aksioneve në kompaninë mbajtëse në fund të vitit 2021, shkruan Reuters .
Fininvest është aksioneri më i madh i MediaForEurope – i quajtur më parë Mediaset (MDIUY) – me 48% të aksioneve.
Transmetuesi, i cili ka një kapital tregu prej 1.6 miliardë euro (1.7 miliardë dollarë), operon kanale televizive komerciale në Itali dhe Spanjë dhe zotëron një aksion të madh në ProSiebenSat.1 (PBSFF) të Gjermanisë .
Fininvest zotëron gjithashtu 53% të aksioneve në Mondadori, botuesi më i madh i librave dhe revistave në Itali.
Fininvest e shiti AC Milanin për 740 milionë euro (796 milionë dollarë) në vitin 2017 pas 31 vitesh pronësi.
Vështirësitë ligjore
Polemikat politike që përfshinin Berlusconin ishin të lidhura ngushtë me çështjet e tij të biznesit.
Gjatë gati dy dekadave të tij në politikë, ai u gjykua për të paktën 17 akuza , që përfshinin akuza për përvetësim, mashtrim tatimor dhe ryshfet, megjithëse ai gjithmonë e kishte mohuar keqbërjen dhe shumë nga ato raste u rrëzuan përfundimisht në apel.
Në vitin 2012, një gjykatë e Milanos dënoi ish-udhëheqësin e Italisë për evazion fiskal.
Prokurorët zbuluan se Berlusconi, së bashku me drejtuesit e Mediaset, blenë të drejta televizive për filmat dhe më pas i shitën me çmime të fryra. Skema i lejoi të përfshirët të shmangnin një faturë të madhe tatimore, thanë prokurorët.
Çfarë tjetër?
Berluskoni ka pesë fëmijë nga dy martesa.
Të gjithë kanë aksione të rëndësishme në Fininvest, por është fëmija i tij më i madh Marina, 56 vjeç, e cila ka kryesuar kompaninë që nga viti 2005, dhe që thuhet se ka më shumë gjasa për të marrë kontrollin e perandorisë së biznesit të babait të saj.
Pier Silvio, 53 vjeç, është shefi ekzekutiv i MediaForEurope.
Aksionet e kompanisë u rritën deri në 10% të hënën, përpara se të bien në treg 2% më lart në orët e vona të pasdites, pasi investitorët prisnin ndryshime të mundshme në pronësinë e saj pas vdekjes së Berlusconit.
Marina dhe Pier Silvio mbajnë secili 7.7% të aksioneve në Fininvest, ndërsa tre fëmijët e Berlusconit nga martesa e tij e dytë zotërojnë së bashku një 21.4% të aksioneve, sipas Reuters .
© SYRI.net
SHBA-ja pezullon dërgimin e bombave në Izrael
Shefja e KE-së thotë se AfD-ja po e ‘tradhton’ Gjermaninë
Britania dëbon diplomatin rus, por pse tani po veprojnë britanikët
Denonco
Merrni lajmet më të fundit nga SYRI.net në çdo moment dhe kudo që të jeni!
