Banorëve në Burketown u është thënë të evakuohen pasi përmbytjet pritet të shkaktojnë probleme në sistemin e kanalizimeve dhe ndërpresin furnizimin me energji të qytetit të Queensland.
Kështu, sipas mediave të huaja, policia po inkurajon banorët të largohen nga qyteti i vogël, pasi ai po përjeton përmbytje rekord, me paralajmërime përgjatë lumenjve Nicholson, Gregory dhe Leichhardt.
“Kanalizimi në qytet është komprometuar dhe rryma në qytet do të ndërpritet sot”, ka thënë policia e Queensland në një deklaratë.
“Policia po u kërkon me forcë të gjithë banorëve të mbetur që të largohen nga komuniteti i Burketown sa më shpejt të jetë e mundur”.
Shërbimet e Zjarrfikësve dhe Emergjencës në Queensland lëshuan gjithashtu një alarm urgjent për qytetin, duke paralajmëruar banorët se sot është shansi i tyre i fundit për t’u evakuuar.
A Gangalidda CLCAC Ranger sent me this video of evacuations in Burketown (Moungibi) amid record floods in northwest Queensland, where he says crocodiles are lurking.
— @MartySilk (@MartySilkHack) March 10, 2023
He wants the state and federal governments to take a bigger role in helping communities. via .@AAPNewswire pic.twitter.com/A1XkS2SjJy
© SYRI.net